Wp/ng/Oshitopolwa shaMusati

From Wikimedia Incubator
< Wp‎ | ngWp > ng > Oshitopolwa shaMusati

Oshitopolwa shaMusati osho shimwe shomiitopolwa omulongo niitatu yomoNamibia.

Uutapi, ehala li li kOmbalantu olya tholomapo oshitopolwa shopaushitwe moshitopolwa shika. Omiti dhomisaati odho hadhi monikako odhindji koshitopolwa huka; omilunga odha enda tadhi shonopala unene oku uka kuuninginino woshitopolwa shika, okuzilila koongamba dhoshitopolwa shaShana. Elunduluko lyomaludhi gomiti otali ulike onkalo yomomudhingoloko ndjoka ya tholomapo oongamba pokati kiitopolwa mbika iyali.

Oshitopolwa shokuuninginino shomoshitopolwa shika, osha humbata omwaalu omunene gwaantu shivulithe oshitopolwa shokuumbugantu, hoka omaulithilo ganayipala noshowo omeya ge na oshimongwa. Shika osho oshitopolwa lela shuunamapya,moka aantu yiikwatelela unene koshikunwamo shOmahangu , shoka shi li oshilikolomwa dhingi. Oku hohopaleka evi,oku li pulula nokoulilongekidha nawa,otashi etitha aantu ya longe iikulya yeya gwanena nawa. Opuna okanala hoka ka humbata omeya okuza komulonga gwaRwakana okuya kOshakati, kapita mUutapi. Omeya gomokamulonga haka oga kala haga longithwa mokutekela ehala enene lyofaalama yepangelo,ndjoka yi li mEtunda, moka iikunomwa ngaashi omapungu , omanuwa noshowo omambanana haga kunwa. Nonando ongaaka, oompito dhiilonga inaayi yama kuunamapya odha pumbwa wo okushitwapo. Omalusheno otaga ende taga taandelekwa; nonando omikunda kadhina natango omalusheno,oondoolopa ngaashi Uutapi, oRwakana,Tsandi, Oshikuku noshowo Okahao adhihe odhi na olusheno.

Moshitopolwa muka omwa enda ondjila onene ndjoka ya kwatakanitha oshiotopolwa shika niitopolwa iikwawo noshowo noshilongo. Nonando aayendinjila niiyenditho haa ende mondjila ndjika nuupu,uumpagandjila wa za mondjila ndjika okuya kiitopolwa yokuushayi kuumbangalantu wa Namibia, kawu na naanaa ongushu. MOkahao nosho wo mUutapi omu na iipangelo iishona , noshowo uukilinika mboka hau yakula aantu pamuthika gopetameko (ekwatho lyotango). Oosikola nadho inadhi gwnanena naanaa, onkee kwa pumbiwa eyokomeho mondondo ndjoka ya pumbiwa.

Kuumbangalantu oshitopolwa shaMusati osha ningapo oongamba noshitopolwa Kunene sha Angola. Oshitopolwa shoshene osha ninghapo oongamba niitopolwa mbika tayi landula: Ohanjgwena- kuumbangalantu Oshana -kuuzilo Kunene-kuumbugantu nokuuninginino.

  • Oshitopolwa shoshene osha ningapo oongamba niitopolwa mbika tayi landula: Ohangwena- kuumbangalantu Oshana -kuuzilo
  • Kunene-kuumbugantu nokuuninginino

Oplitika[edit | edit source]

Oshitopolwa osha kwatelamo iikandjohogololo tayi landula: Onesi, Uuutapi, Okalongo, Oshikuku, Elim, Okahao, Anamulenge,Otamanzi,noRwakana.

Pamayalulo, oshitopolwa shaMusati oshaningwapo komwaalu ogundji gwaakwaSWAPO. Momahogololo gopamutumba gopashigwana ga ningilwe mo 2004, aakalimo yomOmusati oyahogololele oSWAPO noopelesenda 97.68%.

Oonzo[edit | edit source]

Oshitopolwa shaMusati[edit | edit source]

Iitopolwa yomoNamibia[edit | edit source]