Wp/nd/Sandra Ndebele

UNkosazana Sandra Ndebele^[1] yisizalwane seZimbabwe. Ungumculi, uyasina njalo uyalingisa kumidlalo kamabonakude.^[2]

Umsebenzi wakhe kwezomculo[edit | edit source]

uMaNdebele uqale ukuphatheka kwezomgido lomculo esesesikolo lapho abakhona yingxenye yeqembu le IYASA^[3]^[4] lapho aqala khona ukwethekelela amazwe omhlaba. Ukhiphe idlaladi lakhe elilengoma ezilitshumi ngomnyaka ka 2003.

Usuke lapho wahlabela kumicimbi ethile labaculi bodumo abafana lo Oliver Mutukudzi^[5] lo Alick Macheso^[6]. Ngo 2003 uthole izicoco ezintathu kumcimbi we Zimbabwe Music Awards. Ukusina kwakhe okumangalisayo okuledlabuzane kwenze wabalodumo emphakathini loba nje abanye babekhonona besithi ukugida kwakhe akulasithunzi kungathi ngumuntu olingisa njalo ohugela ababukeli ocansini.^[7]

Amadlaladi athi Malaika lo Mama athandwa kakhulu ngabalandeli bakhe. Kusukela lapho usekhiphe amadlaladi amanengi. Ngo 2019 uguqule indlela lesimo ayebonakala ngaso ngokudinga abagidayo abatsha ukuba babeyingxenye yeqembu lakhe elungiselela ukukhipha idlaladi elitsha^[8].

Eminyakeni emithathu edlulileyo uMaNdebele usebenzisane labanye abaculi abanengi kugoqela uJah Prayzah^[9] becula ingoma yothando ebizwa ngokuthi ITshona le Ndebele (Mushona neMuNdevere)^[10].Uphinde wasebenzisana labaculi abafana lo Ammara Brown, uSulumani Chimbetu^[11] lo Somandla Ndebele. Okwamanje kubikwa ukuthi uSandra Ndebele uzabe elingisa kumdlalo kamabonakude (Netflix film) obizwa ngokuthi, The Bad Bishop^[12] ozayenzela eMzansi Africa.

Umthapho[edit | edit source]

[1] ttps://www.pindula.co.zw/Sandra_Ndebele

[2] ttp://sandrandebele.com/

[3] ttps://www.wikiwand.com/en/IYASA

[4] ttps://www.pindula.co.zw/Iyasa

[5] ttps://allafrica.com/view/group/main/main/id/00021292.html

[6] ttps://www.herald.co.zw/night-when-sandra-ndebele-cried-backstage/

[7] ttps://allafrica.com/stories/200310060172.html

[8] ttps://www.chronicle.co.zw/sandra-seeks-band-members/

[9] ttps://www.chronicle.co.zw/jah-prayzah-sandra-collaborate/

[10] ttps://music.apple.com/zw/artist/sandra-ndebele/1146433562

[11] ttps://www.chronicle.co.zw/sandra-billed-for-chibuku-road-to-fame/

[12] ttps://gemnation.co.zw/meet-the-cast-of-netflix-upcoming-the-bad-bishop/

[1]

[2]

[3]

[4]

[5]

[6]

[7]

[8]

[9]

[10]

[11]

[12]