Wp/mwv/Tradisi Murourou Simakerek

Tradisi Murourou Simakerek iate tradisi kamentawai barana siburuk, bara epat elek maigi sirimanua me sia murourou simakerek ragaba ibanda ka leleu. Purimanuaijan samantaoi sipulelek kahulu barana siburuk iate murourou, mumone samba leuk pangabli. Murourou sia iobak ibara ibanda angkulak.

Ratanda murorou, kanak abara siiak iba karaik pulanggajan, Iba rapana iate sainak leleu, tholak, bajet samba bagei iagai koiba sibara kaleleu. Siserang iba sikamata itiboi kasabolaikna, iobak rae murourou simakerek. Lepak araarep indak araiak iba karaik pulanggajan, rapatareu rouurou, silogui samba bukbuk ra. Lepak rapatarek tubunda e sia murourou. Lepak en rakau rubei tubunda kapatandekan sikorok rakau sabu tubunda. Jarakra raatur iobak tal iorak sia silogui sabolaikra bagei.

lepak ararubei tubunda, rakau sabu tubunda samba rapaiak tandak iba kaporak, bara leuk gogoina raoni jojok bolaikra ibailiu pasirop sia kabagan pasigaba tandak iba. Kanak raarep ipangajeu jojok katokolobanna pulelengan iba raagaian.lepak me sia rakukruna rapasogai nganganda iobak raaagai kambak naputuiyui iba sitholoura.

Iba sipananda raoni kauma sirimanua sikamata pasogai sia murourou, patandek sia kasambek pulelengan. lepak en rakau nau aken tuddukat tando abara iba sipananda, punau tuddukat sibara katokoloban itiboia iate beuna iba araalak samba namatei aken iba sikamata.

Lepak en iba sialakra, raparubei simakerek ka sie murourou. Iba siparubeira raoni kaumanda ibailiu iba sakoluira samba tatoganda.

Pakake Murourou

Pakake murourou mantaoi, rourou iate busur panah rabeteina sibara ka loingak poula. Bobokuk iate matan panah rabeteina sibara kaloingak simakelak slrabetei simateimut katuktuk panah. Sikaligejat iate matan panah simatoinong katuktukna rakau racun. Tunung iate matan panah rabetei sibara ka besi rabetei simatoinong, simabiasana rapakei pasipanah sainak sambah tholak. Bukbuk iate leleangan togan panah rabeteina sibara ka manggeak ratamburi dengan palapa sagu. Sosoat iate tombak sibetei sibara kabesi.

Rourou samba bagei pakakena ipakeina simanteu lek, simanteu senen rae kamone elek kapusainakan raoini silogui, kanak raserang iba iagai rapanana. Oto sikenek atak masun rapakei silogui kalulun maigingan sipakei senapan angin.