Wp/mwv/Parubeijan Pukayoan

Pasibuka

Pukayoan kasuku mentawai (siberut) rarubei dua iate pukayoan sigaba elek sitandek akenenda samba pukayoan sibara kaulau elek sisaki. Pukayoan sitandek akenenda iate mone. Mone moi takuana iate leleu sipanguremi samba tak peuk sipanguremi, kabagan mone rapanguremi siureman tubou, setcet, silalabo, toiten, cangkeh samba bebegen. Siureman kabagan mone moi rapakeina iabiliu lulun alak toga samba moi leuk ibailiu tulou. Tubou kabagan suku mentawai sibara katukoloban, rabailiu akenna kirekat elek tutuen baga kasarainanda sitatatak. Siureman tubuo sibailiu aken nen kirekat tak an moi rabailiu aken na alak toga elek pasilului tulou.

Sainak iate simapalik paralu kabagan punen adat, sainak moi rabailiu akenna alak toga samba leuk iba ka punen pasilanggak. Kalulun en sainak rapupalik simakolou samba leuk rawajib aken rapusainak.

Pasirubei Kayo.

Harta sibara kapunu teteu iate mone tubou, sagu, toiten samba polak. Kabagan aturan adat ka mentawai, simanteu kauma sanagaris kabaraijan simakerek lek moi pasibangkati pukayoan punu teteu, toga sikolui tak bara kasia rubeijanda mone sibara kaamanda sibara toga sikolui moi rapukom bua manggaju siureman amanda elek samaniura.

Kabagan parubeijan pukaiyoan iabangkati iate barana kapunu teteu pak aili katatoga samba leuk kasateuteura. Saraina bangkat ama elek bajak moi leuk rakuana sibangkat pukayoan kalulun ama samba bajak moi takuana makerek lek sia. bajak pasijago pukayoan elek masipupalik, kanak atak an bajak toga simanteu iagaian rarubei pukayoan ama. Kanak tak makerek rubeina elek bara sipulelenget pukayoan enda ibailiu ia pusakonda.

kanak pukayoan sibara kaulau kalulun sisaki. Pukayoan sisaki kirekna iate ngong, ngong nek simasakral rapakeina kanak bara punen rakau nau aken. Pukayoan nek raakek barana kapunuteteu pak aili katatoga. Pukayoan sisaki bagei iate kalik, kalik nek tuguruk leuk kapukayoan kauma rabailiu aken kalik pakake simaparalu kabagan uma. Kanak bara punen kalik nek rapakei uktuk paneuk.