Wp/mui/Singépuré

Republik Singapura
Induq Kuté	Singapura
Luas Wilaya	728,6 km²
Pendodok	5 453 600 ab. (2021)

Singapura itu sikok dari negeri di Asia Tenggara.

Riwayat

Catetan petamo pemukiman di Singapura asalnyo dari abad ke-2 Masehi. Pulo ini merupoke pos jabo Kedatuk'an Sriwijayo di Sumatera yang ngenjuk namo Temasék yang artinyo 'kuto laot'. Antaro abad ke-16 dan awal abad ke-19, Singapura jadi bagian dari Kesultanan Johor. Taon 1613, perompak Portugis nunu pemukiman di molot Sungi Singapura dan pulo ini jadi idak telalu diperatike sampé duo abad sesudémnyo.

Pado 28 Januari 1819, Thomas Stamford Raffles mendarat di pulo utamo di Singapura. Ia ditugaske oleh Perusahaan Dagang Hindia Timur Britania (East Indian Company, EIC) ontok nyari lokasi strategis ontok mangun pelabuhan di molot Selat Melaka.

Pembagian Wilayah

Sejak November 2001, Singapura lah ado total 5 subdivisi administrasi tingkat kabupaten, yang dipimpin oleh wali kota dan bareng Dewan Pengembangan Masyarakat atawa Community Development Council (CDC) sebagé pemerintah daerah.

Dewan Pengembangan Masyarakat (Community Development Council/CDC), yaitu

• Central Singapore Community Development Council (Dewan Pengembangan Masyarakat Singapura Tengah]])
• North East Community Development Council (Dewan Pengembangan Masyarakat Timur Laut)
• North West Community Development Council (Dewan Pengembangan Masyarakat Barat Laut)
• South East Community Development Council (Dewan Pengembangan Masyarakat Tenggara)
• South West Community Development Council (Dewan Pengembangan Masyarakat Barat Daya)

Geografi

Singapura tediri dari 63 pulo, temasok daratan Singapura. Pulo utamo galak disebot Pulo Singapura tetapi secaro resmi disebot Pulo Ujong (Melayu: Retinyo pulo di ojong daratan (semenanjung)). Ado duo jerambah gawéan nuju Johor, Malaysia: Jalan Layang Johor–Singapura di utara dan Pengobong Keduo negaro Malaysia–Singapura di barat. Pulo Jurong, Pulo Tekong, Pulo Ubin dan Pulo Sentosa itu pulo-pulo yang tebesak dari beberapo pulo kecik di Singapura. Titik alami tetinggi itu Bukit Timah Hill dengen tinggi 166 m (545 ft).

Singapura ado banyak proyek reklamasi tanah dengen tanah diperoleh dari bukit, dasar laut, samo negaro jironnyo. Hasilnyo, daratan Singapura meluas dari 581,5 km2 (224,5 sq mi) pado 1960-an jadi 704 km2 (271,8 sq mi) mak ini ari, samo kagek meluas lagi sampé 100 km2 (38,6 sq mi) pado 2030. Proyek ini kadang ngaroske beberapo puli kecik digabongke léwat reklamasi tanah ontok mentok pull-pulo besak dan beguno, contohnyo Pulo Jurong.

Ekonomi

Singapura punyo ekonomi pasar yang maju nian, yang secaro historis beputer di sekitar peniagoan entrepôt. Bareng Hong Kong, Korea Selatan dan Taiwan, Singapura itu sikok dari Empat Macan Asia.

Ekonomi Singapura begantung nian pado ekspor dan pengolahan barang impor, khususnyo di bidang manufaktur yang mewakili 26% PDB Singapura taon 2005 dan meliputi sektor elektronik, pengolahan minyak Bumi, bahan kimia, teknik mekanik samo ilmu biomedis.

Banyak pembangunan yang inovatif di Singapura bikin wong seneng melancong di negaro ini. Jugo kerano kuliner samo budayonyo yang bemacem.

Mata uang Singapura itu dolar Singapura yang ditandoi dengen simbol S$. Nilai tuker Dolar Singapura samo nilainyo dengen Dolar Brunei.

Singapura mempromosike dirinyo sebage hub pariwisata kesehatan: sekitar 200.000 wong asing nyari perawatan kesehatan di negaro ini saben taon.

Demografi

• Kelompok etnis

Tionghoa 77%, Melayu 14%, India 7,6%, lain-lain 1,4%.

Sumber: Sensus 2000

• Baso

Singapura ado empat baso resmi: Inggris, Melayu, Mandarin samo Tamil. Baso kebangsaannyo baso Melayu walo pemakean baso Inggris lebih umum.