Wp/mui/Boket Sulap

lokasi tepatnyo Kuto Lubuklinggau dijingok dari peta Provinsi Sumatera Selatan.

Boket Sulap adéla daèra boketan yang letaknyé adé di Kuté Lubuklinggau. Di juru boket ikaq adé beragam flora samé fauna yang edop, diantaranyé adela rusé, monyet buntot panjang, lutung, trenggiling, macan sumatra (empuklah sudah jarang kejingoan), rotan samo durén. Boket sulap ini jaraknyo kurang lebéh kiro-kiro duo kilómèter dari pusat kuto, terós jugo termasók bagian dari kawasan hutan yang dilindungi, Taman Nasional Kerinci Seblat. Bukit ini letaknyo ado diarèa seluas duo ratos hektar, dengen tinggi lèrèng kiro-kiro 700 mèter, yang jadikenyo sebagai puncak paléng tinggi di Kuto Lubuklinggau.

Dilerengnyo yang masók wilayah Kelurahan Ulaklebar, ado makam Bujang Kurap (konon Bujang Kurap ni dipercayo sebagai manusio sakti yang pernah edop di zaman bingen di kawasan itu). Di zaman bingen, di sekitar makam Bujang Kurap ado siko tempat pemukiman masyarakat, tapi pemukiman itu tahu-tahu ilang dewek keberadoannyo. Mako dari itulah mak ini ari disebut sebagai silampari yang artinyo “kampóng yang ilang.”

Pas tahun 2014 bukti sulap pernah dijadike trek ajang balap sepeda atau Asian Mountain Bike Championship 2014 dengen pesertanyo berasal dari enam belas negara termasok Indonesia.