Wp/mui/Basé

Basé tu adéla sikoq perangkat yang mulényé babungé dari gerak awaq, isyarat, grafis atawa suratan yang mungkinke timbulnyé omongan sesamé ugang. Dingen punyé basé, wang galéq bisé saléng bakabar atawa ngomong dingen sesamé. Secaré amnyé, basé pacaq dipahamké sebagé galéq sistem omongan yang kompléks. Gawean kaji ilmiah nerangké apé baé ngenoi basé dinaméké ilmu babasé. Basé ngen caré gunéké basé jugéq moncol sabagé topik kailmuan yang baséng, contohnyé adé pesikologi, nyurologi, ilmu omongan, rétorika, konsep pidato, filsafat (filsafat basé), média, ilmu komputer, semiotika, studi sastra, igamo, antropologi samé étnologi.

Sampé agay ikaq, kisaran banyaqnyé basé yang diomongké di dunié ade kiré-kiré 6.000–7.000 basé, dingen perkiréan yang nunjoqke aman (daq puna) sekiré 50 sampé 90 persen dari basé yang la ndaq puna baé.

Sejara

Secaré amnyé, adé dué téyori asal mulényé basé ugang galéq. Yang kasikoq, basé sebagé gawaan laér, yang kedué basé sebagé kapacaqan yang dipelajarké.

Kelasifikasi

Ade due jenis base, kasikoq iéla basé verbal, yang ertinyé basé kaq sikoq rupé omongan yang disampéké secaré verbal, pacaq lisan pacaq suratan. Kedué iélah basé kan verbal, daq disampéké liwat katé-katé atawa omongan tapi diekspresiké dingen gerakan awaq atawa isyarat, utaményé tulang ngen mekan.

Panutur

Adé tigébelas basé yang digawe ole lebéh dari 100 juta wang sabagé basé induq samé basé kadué. Berdasarké publikasi dari Ethnoloɠue taon 2021, banyaqnyé panutur basé di dunié diurut dari yang paleng banyaq iéla; Basé Inggeris (1,348 miliar), Basé Mandarin (1,120 juta), Basé Hindi (600 juta), Basé Sepanyol (543 juta), Basé Arab (274 juta), Basé Benggala (268 juta), Base Perancis (267 juta), Base Rusiya (258 juta), Basé Portugis (258 juta), ngen Basé Urdu (230 juta).