Wp/mui/Badak Sumatera

Badak sumatra atawa badak berambot atawa badak Asia becula duo (Dicerorhinus sumatrensis) itu merupoke spésies langka dari famili Rhinocerotidae yang ado di Sumatra. Badak ini badak yang spesial kerno cuman dio yang pacak betahan sampé mak ini ari dari genus Dicerorhinus jugo masok ke jero salah sikok dari limo spesies yang masih ado di dunio.

Mak ini status dari badak sumatra itu kritis (critically endangered) uji International Union for Conservation of Nature (IUCN) ontok Konservasi Alam. Jumlahnyo jugo mak ini idak sampe 100 ikok, bahkan di bawah dari 80 ikok.

Badak itu hewan peregenerasi hutan kerno dio itu hewan yang makan pocok-pocok godong mudo. Pocok yang dimakannyo ni kagek jadi godong mudo yang baru. Selain itu, badak jugo sebagé agén penyebar benih dari bijik-bijik hutan yang leket di badannyo.

Ciri-ciri

Punyo banyak rambot dibandingke sub-spesies badak lain di dunio, mangko galak dipanggil hairy rhino (badak berambot). Punyo kuping yang besak. Warno kulitnyo coklat keabu-abuan atawa keabangan, samo sebagian besak kulitnyo dialingi samo rambot. Punyo kerutan di sekitar matonyo. Punyo duo cula. Panjang dari cula luan sekitar 25-80 cm, sedengke cula burinyo lebih pendek samo idak lebih dari 10 cm.

Daftar Pustaka

• Ellyvon Pranita (23 September 2020). "Badak Sumatera Kritis, Berikut Upaya Penyelamatan Populasi Satwa Asli". Kompas.com. Diakses pada 18 Mei 2021.
• Ellyvon Pranita (24 September 2020). "3 Alasan Mengapa Perlu Menjaga Populasi Badak Sumatera Asli Indonesia". Kompas.com. Diakses pada 18 Mei 2021.
• World Wide Fund for Nature. Badak. Diakses pada 18 Mei 2021.