Jump to content

Wp/mrh/Mara

From Wikimedia Incubator
< Wp‎ | mrh
Wp > mrh > Mara


Paraih via awpa châpaw
He châpaw he paraih via'pa tha ta â byuh. He kyh nah azaopa na pahno khiah paraih baichha bei mah y!

Documentation[create]

Thâtih chyupa

[edit | edit source]

Mara Pho vaw puana

[edit | edit source]

Mara chyhsazy he Mongolian pho pathla Malaya pho pachiahpa tawhta a vaw puapa ama lyu via chai. He he khihsana reih nata ytuzie, atobina zy tawhta alyu chaipa ama châ. Atliata amâ zu laihna su Burma Chins sahlao tawhta a vaw puapa châ ei ta: Lushei, Hmar, Paite, Thadô, Kuki, nata Fanai phozy sahlao likawh ahla a vaw y tu leipa pho ama châ. Anodeikua cha he pho sahlaozy ama vaw y kha leina tawhta ama pachâna daihti he a rei kawpa vâta reih, ytyuzie, nata pahrâna su nanopa, atly kiah leinazy, daihti tawhta pho nanopa nata chi nanopa hawhta pachâna a vaw y laihpa a châ. He chi nata Oho nawh viapa nata a chyh via penawh sahlao ama mahnô mahpaw tawhta reih nata kah pathliena ytyuzie pachao-padâhna (panana) chhaichhizy nata khihsana alaichadai laihpa ta, pathla miakha ama vaw châ laihpa a châ.

Marapa râh hmô papuana nata pahrâtuapazy

[edit | edit source]

Marapa chyhsa he China râh lâ tawhta azupa, atahmâ Myanmar râh liata pahrâ laihpa ta, kô 1650 AD rachhôh daihti liata Marapa râh ama pangai? tahpa he alaichadai a vaw ru kaw. Châhrasala, ynasuzy a pasiesai laihpa he chhâ pha kawpa a vaw lymâ. Marapa pathlatuh penawh y tuana su cha China râh va châ ta, China râh he râh laipa nata chyhsa hluh chaina râh a vaw châ. Niebaw runa nata râh pha viapa khozie ta râh hnei theina su, râh panyupa nata phapa tlaichhaina nata khohna vâta a y tuana puasaipa ama châ thei. Amianona liata ama pahrâna Abei ryureituhpa liata palôh tlâh leina nata aly leina, aryh thai leipazy vâ chhao ama châ thei. He dei châ leipa ta ama kuphei tlaita, ti nata râh hnei khohna, padua khohna vâta a châ thei hra. Hezy vâna heta Marapa chyhsa cha chhôhkha nata phokha viapa sanawh nata a chhorei thai viapa sahlaozy aparaohpa ta ama yna râh nata su zy cha puasaipa ama châ. He daihti liata chyhsa hluhpi Abei nata khihsawzy pahnopa nata a raohpa ta khih puasaipa he hmo rupa vaw châ ta chavâta daihti a raoh leipa ta azu laihpa ama châpa alyu kaw. ‌

Mara Phozy

[edit | edit source]

Marapa phozy cha: Tlosai, Hawthai, Zyhno, Chapi, Sabyh, Lailai, Heima, Lochei, Ngephe, Ratu, Hnaro, Tha-y, Matu, Leita, Iabao, Khapi, nata Razao, Dova phozy he ama châ.