Jump to content

Wp/mrh/Lialaipi

From Wikimedia Incubator
< Wp‎ | mrh
Wp > mrh > Lialaipi
Lialaipi
Khihpi
Script error: No such module "InfoboxImage".
Template:Wp/mrh/location mapKhihpi yna palâsapa râhnohthlah
Coordinates: Script error: No such module "Coordinates".
Râh moh Template:Wp/mrh/Flag
State Chin state
District Matupi District
Townshi Matupi township
 • Density Template:Infobox settlement/densdisp
daihti zone Yangon, Myanmar (UTC+ 6 hours 30 minutes)

thumb Lialaipi khihpi cha Chin state Matupi township liata ypa khihpi sâ kha a châ.

Khihpi châna[edit | edit source]

Lialaipi he Revolution Council daihti 1967 kô liata Mara khih pahlyhpazy kha pahmaohpa ta ryurei awpa ta sub-township piepa a châ. Râh kyh, ryureina kyh apathlainazy vâta 1974 kô liata sub-township zydua kha parao pakhua khaipa a châ. Cha no tawh athaaopa ta khih pahlyhpa lâta â vaw lie haw! 11 Hmypi 2006 nota taopa Union Hluttaw liata pachia pathlupa hawhta Ministry of Interior, Notification No. 400/2016 hawhta Lialaipi cha khihpa ta Pamih 21 2006 liata pahypa a châ.

Vaw puana kyh[edit | edit source]

Lialaipi chipho cha, Falam township, Sotla khih kiah Lai Lua su liata ama pahrâ nota chhôh chhiepa hri vaw tla ta mo hluhpi thina amâ tyh. Cha hri vâ chata kôzabie 13 rachhôh nota cha Lai lua su tawh cha su hro lâta ti pasoh, si panyu su tluapa ta Hiakha township, Thatla township zy liata kô vâropi khihsapa ta ama za pahrâ. Kôzabie 17 khô lâ liata tahmâ ama pahrâna su lâ he vaw tlô ei ta Lialaipi tahpa moh biepa ta khih ama vaw sapa a châ. Lialaipi khih lia he khih ama za sa tawh tanoh taih kô 300 hlei a pha haw bâ.

Moh vaw pina[edit | edit source]

Lialaipi khihpi cha Mara chipho pho kha a châpa Lelai pho moh kha lapa ta Lialaipi tahpa ta biepa a châ. "Lelai" cha Mara chipho moh châ ta "pi" tahpa deikua cha a laipa tahpa a châ. Lelai khih tawh khitaw khi 8 ama vaw kai tawhta tanoh Lialaipi he a lai chaipa a châpa vâta Lialaipi tahpa ta biepa a châ.

Yna su nata Kawhna[edit | edit source]

Lialaipi khihpi cha Chin State, Matupi township liata a y. Chho latitude 21° 35' nata 22° 35' likah liata a y. Chho lâta Razao khihpi nata Thatla townshi, nochhi lâta Matupi khihpi, maw lâta Palewa khihpi , notla lâta Ide râh zy nata râh â ri.

Lialaipi khihpi kawhna cha nochhi tawh notla lâ mai 2, mawh tawh chho lâ mai 3, zydua mai 6 square a kawh. Lialaipi khih a pahniehpa Mara khihzy kawhna cha Template:Wp/mrh/Convert a châ.

Sôhpaliena[edit | edit source]

Mara chyhsazy cha ahluh via ta lyu taopa ta py apalypa ama châ. Ama pahnei theina rakha sahroh chhao ama palypâ hra. Cha hleikhô ta apha kawpa ta sahroh paly n'awpa râh su ama hneipa vâta a eih via ta seihzy paly ei ta thothei hiahu lâchhâh he siahthlu, rytu, raitie zy he loh ei ta, chhiehrieh chhao he nei awpa nah zua awpa ta ama cheih hra. Lialaipi rytu ti cha tha ta pahâh ta a moh chhao a pathâh hra. basuh chhao loh ei ta ama eih hra.

Social[edit | edit source]

Chipho[edit | edit source]

Lialaipi liata pahrâpa chiphozy cha Mara chyhsazy ama châ.

Maluh nata Odyh[edit | edit source]

Lialaipi liata 2018 kô taih odyh 530 châ ta, maluh 2418 ama pahrâ. Kôchareih khinôpâ tawh amâ vaw paih parei tyhpa vâta maluh he ama pôh lymâ. Odyh 1000 taih alei su patlypa a châ.

Achuna[edit | edit source]

Lialaipi khihpi cha 1942 kô tawh Primary siku, 1956 kô tawh Middle siku, 1992 kô liata High siku zy a hmôpa a châ. Tahmâ he High siku sâ kha, primary siku sâ kha, private high siku sâ kha zy cha liata a y.

2010 kô liata Lialaipi khihpi lia py hrawh ezâna pahypa a châ.

Hnatlâna[edit | edit source]

AD 1956 kô liata Lialaipi lia Rural Health Department pahypa châ ta, 1990 liata Circuit Hospital lâta pasâhpa ta pahypa châ.

Zyhna[edit | edit source]

Lialaipi khipi nata Mara râh zydua liata Krizyhpa sai ama pahrâ. Lialaipi he Mara Evangelical Church office ynasu a châ. [1]

Atlychakana[edit | edit source]

  1. BEHS, Lailenpi kô 75 tlohna Diamond Jubilee atheithlâhna magazine

Chin State, Myanmar liata a ypa khihzy[edit source]

Lialaipi