Wp/mrh/Biebu

Paraih via awpa châpaw
He châpaw he paraih via'pa tha ta â byuh. He kyh nah azaopa na pahno khiah paraih baichha bei mah y!
(This article is incomplete. If you can, please help improve it by adding your knowledge.)

Biebu

       Biebu tahna biehlykhupa zydua pahmaopa nata chhopasiana châbu a châ. Châpaw sâ kha nata sâ kha â zithyhpa ta thâtih photozy a palâhâh. Kôzabie (1) nota Rawma chyhsapa Pliny ta a rohpa Biebu pinô cha tahmâ taih a y chy. Cha biebu moh cha biebu cha Hmo yzie phohbu ama tah. Abao (37) hlei y ta, châpaw zydua sâ thy (2) hlei a y. Abao zydua sâ (5020) a ypa biebu lai chaipa cha Ei (3)na taopa Talu biebu a châ. Châpaw âzita ta biehlykhuzy paziahpa ta palâhâhpa biebu cha AD 1704 kô liata chhi papua hawpa a châ. Mongyuh pastor, John Haris ta a roh. Cha biebu moh cha Khizaw nata azaopa art nata science Mongyuh dictionary a châ. Kahlâno ta cha khizaw thâtih, thlâpâ thâtih pahnona hluhpi a tlôhpa châbu he biebu tah ei ta, tahmâ chhâ lia dei he cha science, art sona zydua a hlaopa Mongyuh reih ta Encyclopedia kha Mara reih ta Biebu eima tah. Pahnona tluatuhpa to zydua ta pahnona photo ama mo, rei thei n'awpa ta roh pahmaohpa châbu kha Mongyuh reih ta "Encyclopedia" tahpa ta ama bie. Chyhsazy cha âmô nata ama chhiepâh kha ama pahno khohpa vâta avao awpazy kha tlua ei ta, châzy ta ama roh. Chahawhpa a châpa vâta châbu photo a vaw puapa chhao a châ hra. Châhrasala he hawhta chyhsa pahno khohpa thâtihzy nata a zaopa chhichânazy anaota ta tlua'pa cha a rukaw. Chavâta pahnona photo nata azaopa chhichânazy kha pahmaoh eivta, chyhsazy anaota ta ama rei thei n'awpa ta biebu he ama tao. Biebu cha chyhsazy, sahrohzy, chhaichhizy nata ama ynasu thâtihzy kha a palâhâh. Chahawhta a châpa vâta biebu yzie cha: "chyhsazy he khâpa ma ama châ? Ahy ma ama châ? Khâpa vâta ma?" tahpa hiahrinazy achhyna tluapa yzie he a châ. {

Mohbiena

       Encyclopedia tahpa cha Krika reih tawhta a vypa châta "science nata art zy pachuna," tahpa a châ. He yzie he eima mo khiah cha pahnona kao no lâta a y tah theipa a châ.

Biebu phohpa

       Notla chyhsazy reina hawhta khizaw liata a ypa pahnona zydua he châbu ta roh papua tua chaipa cha Aristotle (BC 384 b 322) he a châ ama tah. Notla chyhsazy ta Aristotle he Biebupaw ama tah. Sona biebu he BC 1200 nota Talu râh liata ama tao tahpa ta Talu phôhdâh saipazituhpazy ta ama rei. Talu reih ta "Â ia" ama tahpa biebu cha ei kha no ta biebu châ ta, tanoh taih a y chy. Cha châbuvlia cha mahnô mahpawzy ama taopa châbu liata a ypa sona, pahnonazy kha la papua ei ta, ama roh. Cha chhâ lia chata Ide râh liata [[|ဗေဒ ကျမ်းကြီးများ] a vaw y pathao haw. chyhsazy cha သာမ၊ ယဇု၊ ဣသျှူ၊ အာတ္တပန ama châ. Asopzy ta BC 1000 chhâ a pha hlâta a vaw y haw tahpa ta ama ropady. Cha châbu lia cha A theihna hlâna dâhzy adaih leipa ta totâzy nata cha chhâ liata a luhlâh viapa apynazy chhao â hlao hra. ဗေဒကျမ်းnawh cha khizaw thâtih, thlâpaâ thâtih, sonazy pahlyhpa châbu a châ. Eima rei hawpa Aristotle rohpa biebu lia dei cha Khizaw khôlâ thâtih, Khihsua thâtih, sahrohzy thâtih hawhpa chhichânazy a y.