Wp/mnc/simabara i facuhūn
manju hergen -i ararangge hūlarao.
simabara i facuhvn embici simabara amakusa i facuhvn (žiben gisun: 島原の乱) serengge edo erin žiben de iliha facuhvn jai žiben tuktan ikki(irgen i facuhvn)
amakusa siroo da ofi kirisitan sebe edo bakuhu heristos tacihiyan(katolik) be xajilara de fudarame ubaxaha baita. cohotoi simabara fiyan jai karatsu fiyan i juwe fiyan de iliha.
facuhvn nenehe
[edit | edit source]heristos tacihiyan i žiben guribun
[edit | edit source]16 jalarin oci heristos tacihiyan žiben de guribuhe erin bihe, ere fonde žiben de cohotoi portugal i hvdai niyalma žiben de tefi heristos tacihiyan be akdara žiben niyalma bihe, tese be kirisitan sembi, heristos tacihiyan akdara niyalma labdu ofi daimiyoo dolo kirisitan inu bihe, ese daimiyoo i dasara fiyan de kiristan inu labdu oho.
heristos tacihiyan be fafulambi
[edit | edit source]
toyotomi hideyosi akv oho manggi muromaci bakuhu yoyome žiben de edo bakuhu ilibuha, ere baita manggi edo bakuhu heristos tacihiyan be fafulaha,
simabara geli amakusa feniyen tun
[edit | edit source]dade simabara be dasara arima uksun oci kirisitan bihe, amakusa adun tun simabara adalixara konisi yukinaga sere kirisitan dasaha bana bihe. uthai ese bana de kirisitan inu labdu bihe.
damu yamun kvbulifi edo bakuhu dasaha manggi matsukura uksun simabara dasame katolik be fafulaha.
matsukara uksun humie jergi hacingga arga baitalame kirisitan be baifi tese be erulehe. 温泉地狱 sere niyalma be halhvn muke de dosimbufi erulehe gebungge erun bihe.
tere erin i daimiyoo matsukura sigemasa labdu cifun bargiyafi cifun bargiyarakv ningge eruleme yuyun bifi tumen irgen i banjirengge jobolon oho.
simabara i facuhvn
[edit | edit source]facuhvn i deribun
[edit | edit source]
cifun alimbaharakv simabara i irgen ajige facuhvn be ilibuha. ce nenehe arima uksun i samurai bihe booi hafasai fejile cooha isaha, amakusa inu konisi yukinaga be songkoloho cooha isaha.
ese yujima tun de isarin obufi kirisitan dolo gebungge amakusa siroo(gebu maeda tokisada) be ikki i da de sonjoho. arima baising i kirisitan 代官所 be afabufi 代官 hayasi hiyoozaemon be wame ikki deribuhe.
ikki cooha i afan
[edit | edit source]simabara fiyan hvdun alban cooha benefi hukae gaxan(深江村) de ikki cooha afaha manggi simabara hecen de genehe, ikki cooha i arbun mangga be tuwafi duka gidafi hoton be tuwakiyaha, ikki cooha simabara hoton be horifi hoton fejile gaxan be dulefi(deijifi) oljilaha. alban cooha usisi ikki de afabu seme agvra hajun buhe, damu elemangga ikki de dosire niyalma labdu bihe, ikki cooha cun cun i ton labdu ofi simabara dulin tun i wargi amargi de ambaraha.
ududu inenggi manggi amakusa de inu ikki iliha. ikki cooha amakusa ba ba be afabume 11 biya 14 hondo hecen(本渡城) be efujefi manggi tomioka hecen(富岡城) be afabuha, damu ere afan de hoton be gemu ejelerakv(hoton i kitamaru(北丸) be ejelehe, damu honmaru(本丸) ejelengge muterahakv) hoton be ejelere de muterakv, ere afan andala ikki cooha kiyusiyu bana i alban cooha jidere be safi cooha be amasi bederehe.
ariaki mederi(有明海) be doofi simabara dulin tun de genehe, aisilara cooha akv ikki cooha hara hecen de afaki seme gvnimbi, ubade simabara geli amakusa siroo i ikki fali acaha, itki cooha hara hecen be dasame fiyan i namun de duriha agvra, jeku be ubade juwefi hoton be tuwakiyaha,
yamun(edo bakuhu) i aisilan
[edit | edit source]edo bakuhu itakura sigemasa jai gisigaya sadakiyo be ikki iliha bana de takvraha, sigemasa i cooha hara hecen be horime afabuha manggi 12 biya 10 jai 20 de mitabume afabuha damu juwe mudan gemu durulaha.
bakuhu ere be tuwame jai matsudaira nobutsuna jai toda ujikane be coohai da de sonjoho, itakura sigemasa faxxan akv ojoro be gelefi 1638ci aniya 2 biya 14 de nobuhara jidere nenehe hara hecen be afabuha damu 4 minggan cooha akū ofi sigemasa miyoocan de inu akv oho,
matsudaira nobutsuna i alban cooha 12 tumen funceme oho na, mederi juwe ergi be horihe, nobutsuna jugvn be meiteme jeku be heturere arga baitalaha. uthai ikki cooha i jeku akūrengge be aliyafi goidaha.
bakuhu i cooha jasigan be beneme dahara be aliyaha, damu ikki cooha erebe marambi, amakusa siroo i eniye jai eyun be weihun damtun arafi dahara be aliyaha, ere inu maraha, ikki cooha jeku akv jakade mederi de orho be jehe.
nobutsuna 2 biya 27 de hara hoton be afabuha. manggi ududu daimiyoo emgi afabufi jiduji hara hoton efujehe. hoton dolo cooha gemu wafi amakusa siroo eruleme wame facuhvn wajimbi. waha ikki cooha 3 tumen 7 minggan bihe.
facuhvn manggi
[edit | edit source]
labdu kirisitan akdan nakafi fucihi tacihiyan, sintoo jergi kvbulihe. damu kemuni akdara niyalma kakure kirisitan ofi beyei tacihiyan tuwakiyaha.
sekiyen
[edit | edit source]- simabara i facuhvn(žiben gisun)