Wp/mnc/hangse
hangse (nikan gisun: 面条) oci emu hacin i jemengge jaka, ufa jai muke deri ararangge. tere labdu hacin i dursun bi. labdu uksura i jemengge jaka de, inu hangse bi.
suduri[edit | edit source]
hangse i sekiyen dulimbai gurun de bi, terei suduri umesi golmin. dergi han gurun i fonde, terede dalji bisire ejebun bihebi, ertele 1900 aniya be dabahabi.
julgei fonde, hangse bu tuwe (不托), efen (饼), sile i efen (汤饼) seme hvlabuha. song gurun i erin de isinafi, hangse eici 面条 sere gibsun teniken bireme baitalame deribuhe.
2004 ci aniya de, hvwang ho bira i la jiya i fe susu de hangse tucibuha. ere moro i hangse i suduri, amba muru 4000 aniya oho, tere oci jalan i ujui uju sakda hangse.
hacin meyen[edit | edit source]
labdu hacin i hangse bi, hangse hacin, cohonggo ba, jai arara arga ci ilgame faksalambi. dulimbai gurun i hangse 1000 hacin isinjihabi.
hacin: duibuleci, lakiyangga hangse, ebeniyengge hangse, buyarame ciyanliyang ni hangse, gala i faidara hangse, udong i hangse, coko umhan i hangse, tatangga hangse, šahūrun hangse.
geren gurun i hangse[edit | edit source]
• nihon gurun
tatangga hangse (nihon gisun: ramen), soba hangse, udon hangse oci nihon gurun i gebungge hangse. erei dorgi, tatangga hangse i hacin ujui uju labdu. nihon gurun i emu baksi i kimcire be dahame, ainci hangse tang gurun i fonde, nihon gurun de dosika. ereci tulgiyen, 20 ci jalarin de, nihon gurun de bisire taiwan niyalma, u bai fu, ebeniyengge hangse be fukjilehe.
•solho gurun
solho gurun i hangse su i hangse (nikan gisun: 素面) jai aiha šušu bi. jetere arga be dahame, šahūrun hangse, colaha hangse, sile i hangse gemu oci gebungge hangse.
•dergi julergi asiya i gurun
ming gurun i fonde, hangse dergi julergi asiya de dosika. tai gurun de, kuay teow, ba mee jai sen mee seme hūlabumbi. gambujiye gurun de, numbanchock seme hūlabumbi. indonisiya gurun jai maleisiya gurun de, mie eici mi seme hūlabumbi.
•idariya gurun
ulabun de, "marco polo" sere sarašasi idariya gurun de hangse takabuha, damu ere ulabun yargiyan temgetu akū. yargiyan de, marco polo idariya gurun de bederere onggolo, tuba "maccheroni" jai "vermicelli" sere hangse dekdeni oho. idariya gurun i re na ya dangse i kuren de, 1279 ci aniya i emu afakū i tutabuha bithe bi, erei dorgi maccheroni be giranggi yali de bumbi seme tacibume henduhe. ainci hangse sirge suri i jugūn be dulefi, dulimbai gurun ci arab de dosifi, arab niyalma siciliya tun de selgiyehe, amala idariya oforo de isinaha.