Jump to content

Wp/mnc/banin ishvnde hanci, tacin ishvnde goro

From Wikimedia Incubator
< Wp‎ | mnc
Wp > mnc > banin ishvnde hanci, tacin ishvnde goro

banin ishvnde hanci, tacin ishvnde goro (性相近,习相远), ere fiyelen ilan hergen i nomun de bimbi.

ere dergi fiyelen be sirame gisurehengge.

kongzi i henduhengge: "banin ishvnde hanci, tacin ishvnde goro". niyalmai tuktan banjijiha fonde: mergen, mentuhun, sain, dursuki akvngge gemu emu adali banin ofi; daci ishvnde hanci bime ilgabun akv bihe. amala sara bahanarangge neibuhe, sukdun salgabun meni meni encu turgunde, ulhire i hvdun ningge be mergen sembi, sara i farhvn ningge be mentuhun sembi, giyan be daharangge be sain sembi, buyen be sindarangge be dursuki akv sembi. an i salgabuha sain banin ba forgoxoci, ishvnde hon goro akv semeo, ere gvwa de akv, tacin sukdun ci banjinahangge kai. damu ambasa saisa de tob be ujire kicen bifi, ajigan i fon i banin be sain akv ba de guriburakv obume mutembi sehengge.

(ere dergi i fiyelen oci abkai wehiyehe ninjuci aniya de arahangge manju nikan hergen i kamcime suhe san zi ging i bithe de bimbi. ere bithe oci wei de ki toohe ubaliyambuha gemun hecen i a nan tang folome selgiyehengge 上文是在乾隆六十年编纂的满汉合璧三字经注解书中。此书乃惟德氏陶格在京都二南堂梓行之也).