Wp/mnc/ᠶᡝᡥᡝ ᡤᡠᡵᡠᠨ

Yehe gurun (eici Yehe aiman) oci manju gisun be gisurehe emu gurun. da mafa monggo gurun i Tumet halai Jang gebungge bade tehe Hvlun i Nara halai aiman be efulefi, terei babe salifi Nara hala oho, amala Yehe gebungge birai dalin de gurun tehe seme gurun i gebu be Yehe sehe. Da mafa Singgen darhan Singgen darhan de banjihangge Sirke minggatu, Sirke minggatu de banjihangge Cirgani, Cirgani de banjihangge Cukungge, Cukungge de banjihangge Taicu, Taicu de banjihangge Cinggiyanu, Yangginu,

Ejen

gurun i ejen: Singgen darhan, Sirke minggatu, cirgani, cukungge taicu

wargi hoton i beile: cinggiyanu, Bujai, Buyanggū

dergi hoton i beile: Yangginu, Narimbolo, Gintaisi

Suduri

Cinggiyanu, Yangginu Yehe aiman be gemu dahabufi, ahvn deo emte hoton de tehe manggi, Hada gurun i niyalma ambula dahame jihe, tereci Cinggiyanu, Yangginu enculeme beile oho, ming gurun i wan lii han i taisy taiboo hergen i Licengliyang gebungge amban, Hadai niyalmai xusihiyeme benehe boro dobihi, sahaliyan seke, aisin, menggun be alime gaifi, Yehe gurun i Cinggiyanu, Yangginu juwe beile be k'ai yuwan hecen de jio, ejehe ulin bure seme jalidame gamafi, wan lii han i juwan juwe ci niowanggiyan bonio aniya Cinggiyanu, Yangginu juwe beile dahame genehe ilan tanggv cooha be guwan yei liyo i dolo horifi gemu waha, tere juwe beile wabuha manggi, Cinggiyanu beilei jui Bujai, Yangginu beilei jui Narimbolo gurun be ejilefi beile oho, tereci ming gurun i wan lii han i Licengliyang Yehe gurun i juwe beile be wafi, uthai cooha gaifi Yehei gurun be dailame genefi Duka, Niyahan gebungge juwe gaxan be afame gaiha, tere afara de coohai niyalma ambula koro bahara jakade uthai cooha bederehe, wan lii juwan ningguci suwayan singgeri aniya, Lii ceng liyang geli cooha gaifi Yehei gurun be dailame genefi Narimbolo beile tehe dergi hecen be kafi afame coohai niyalma ambula koro bahafi afame muterakv cooha bederehe.