Wp/mnc/Hada gurun

From Wikimedia Incubator
< Wp‎ | mnc
Wp > mnc > Hada gurun

ᡝᡵᡝ
ᠵᡠᠰᡨᠠᠨ ᡳ
ᡤᡝᠪᡠ
ᡴᡝᠮᡠᠨᡳ
ᡨᠣᡴᡨᠣᠪᡠᡵᡝ
ᡠᠨᡩᡝ᠉

ere justan -i gebu kemuni toktobure unde.
此页面的标题没有确定。


Hada gurun oci manju gisun be gisurehe emu gurun. da mafa oci Nacibulu. emuci beile oci Wan han.

Wan han, Hūrgan, Daišan, Menggebulu, Urgūdai.

Suduri[edit | edit source]

Hadai gurun i Wan han i hala Nara, gurun i da gebu Hvlun, amala Hada gebungge ba de gurun tehe seme gurun i gebu be Hada sehe, Ulai gurun i beisei da mafa Nacibulu i nadaci jalan i omolo, Wan i mafa Kesine dudu be ini uksuni Badai darhan wara jakade, Wan burlame tucifi Sibei aiman i hanci Suiha gebungge hoton de tehe, Wan i eshen Wangju wailangeli burlame genefi Hadai aiman de ejen oho, amala Hadai aiman facuhvrafi Wangju wailan be waha manggi, Wangju wailan i jui Bolkon xejin amai bata be wafi ahvn Wan be Suiha hoton de ganafi uthai aiman de ejen obuha, Wan hanciki be dailame goroki be dahabume etenggi oho manggi, Wan enculeme han ofi, gurun i gebu be Hada sehe. tere fonde Wan han de Yehe ula, Hoifa, Manju gurun i hunehe goloi aiman dahafi, yaya weile be Wan han de habxaname, aisin, mengun, ulin jodon benehe niyalmai weile yargiyan i waka bicibe, urunakv uru obume; aisin, menggun, ulin jodon benehekv niyalmai weile udu uru bicibe, urunakv waka obume beideme ulin de dosi, ehe oshon ofi, ambasa gemu alhvdame golo golo de takvraha bade dabxame gogodome ulgiyan, coko be habtame wame; sain ulin, sain giyahvn, indahvn be saha de, uthai gaime, ulin buhe niyalma be sain, buhekv niyalma be ehe seme alaha de, Wan han, da dube be dacilarakv gisun be gaime, gurun be jobobume ofi ini baha doro, ini beye de efujeme deribufi, irgen ambula ubaxafi Yehei gurun de dosika, neneme dahaha gurun gemu gvwaliyaka. Wan han akv oho manggi, jui Hvrgan sirafi goidahakv jakvci biya de akv oho, Hvrgan beile akv oho manggi, deo Kangguru siraha, Kangguru beile akv oho manggi, deo Menggebulu siraha.