Wp/mnc/ᡠᠯᠠ ᡤᡠᡵᡠᠨ
Ula gurun oci manju gisun be gisurehe emu gurun. da gebu Hvlun, amala ulai bira i dalin de gurun tehe seme gurun i gebu be ula sehe.
ejen[edit | edit source]
Da mafa: Nacibulu, xanggiyan dorhoci, Giyamaka xujugv, Suitun, Dulgi, Gudei dudu, Tairan, Buyan, Bugan, Mantai, Bujantai
suduri[edit | edit source]
Buyan Ulai aiman be gemu dahabufi, Ulai bira dalin i Hongni gebungge bade hoton arafi tefi enculeme beile sehe, Buyan de banjihangge Bugan, Bokdo, Buyan beile akv oho manggi, jui Bugan siraha, Bugan beile akv oho manggi, jui Mantai siraha. 1593 aniya i uyun biya de, Mantai beile i deo Bujantai beile, encu jakvn gurun i cooha be acafi Manju gurun be dailaha (Gure i alin i afan). Manju gurun i Taizu han Nurgaci Bujantai be weihun jafafi ujihe. 1596 aniya i nadan biya de, Mantai beilei ama jui ini gurun i Suwayan siren gebungge bade, jase jafame ulan feteme genefi, tere gaxan i juwe hehe be ama jui emte gajifi dedure de, tere juwe hehei eigete dobori dosifi, Mantai beilei ama jui be waha. tereci Bujantai beilei isinaha inenggi, Mantai beilei eshen Gingniya beile gurun de ejen ojoro be temxeme Bujantai beile be waki sere de, Bujantai beile be beneme genehe Taizu sure beilei Tulkun hvwangjan, Bolkon fingjan juwe amban Bujantai beilei booi uce duka be jafafi tuwakiyame tehe manggi, Gingniya beile, Bujantai beile be wame mutehekv ofi, Yehe-de dosime genehe, tereci Bujantai beile Ulai gurun de ejen ome toktoho manggi, Tulkun hvwangjan, Bolkon fingjan amasi jihe.