Wp/mnc/ᠮᠠᠨᠵᡠ ᡥᡝᡵᡤᡝᠨ
Möllendorff hergen i araha ere šu fiyelen be ubade tuwaki.
| ᠮᠠᠨᠵᡠ ᡥᡝᡵᡤᡝᠨ | ||
|---|---|---|
| Möllendorff hergen: manju gisun | ||
ᠨᡳᡵᡠᡤᠠᠨ : |
 ᠠᠯᡳᠨ ᠰᠠᡥᠠᠯᡳᠶᠠᠨ ᠮᡠᡴᡝ᠈ ᠰᡝᡴᡳᠶᡝᠨ ᡤᠣᡵᠣ ᡝᠶᡝᠨ ᡤᠣᠯᠮᡳᠨ ᠊ᡳ ᡩᠣᡵᠣᠨ | |
ᡤᡳᠰᡠᠨ : |
||
ᡩᡠᡵᡠᡤᠠᠨ : |
ᡩᠠᠯᠵᡳᠩᡤᠠ ᡥᡝᡵᡤᡝᠨ | |
ᠮᠠᠨᠵᡠ ᡥᡝᡵᡤᡝᠨ ᠣᠴᡳ ᠮᠠᠨᠵᡠ ᡤᡳᠰᡠᠨ ᠊ᡳ ᡥᡝᡵᡤᡝᠨ᠈ ᠮᠣᠩᡤᠣ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠ ᡥᡝᡵᡤᡝᠨ ᠣᡶᡳ᠈ ᡩᡝᠯᡝ ᠴᡳ ᡶᡝᠵᡳᠯᡝ ᡩᡝ ᠠᡵᠠᠮᠪᡳ᠉
1599 ᠴᡳ ᠠᠨᡳᠶᠠ ᠨᡠᡵᡤᠠᠴᡳ ᠊ᡳ ᡥᡝᠰᡝ ᠪᡝ ᡩᠠᡥᠠᠮᡝ᠈ ᡝᡵᡩᡝᠨᡳ ᠪᠠᡴ᠋ᠰᡳ᠈ ᡬᠠᡬᠠᡳ ᠵᠠᡵᡤᡡᠴᡳ ᠰᡝᡵᡝ ᠵᡠᠸᡝ ᠨᡳᠶᠠᠯᠮᠠ ᠮᠣᠩᡤᠣ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠮᠠᠨᠵᡠ ᡥᡝᡵᡤᡝᠨ ᠪᡝ ᡶᡠᡴᠵᡳᠨ ᡩᡝᡵᡳᠪᡠᡥᡝ᠉ ᡝᡵᡝ ᠮᠣᠩᡤᠣ ᡥᡝᡵᡤᡝᠨ ᠊ᡳ ᡤᡝᠰᡝ ᡥᡝᡵᡤᡝᠨ ᠪᡝ ᡨᠣᠩᡴᡳ ᡶᡠᡴᠠ ᠠᡴᡡ ᡥᡝᡵᡤᡝᠨ ᠰᡝᠮᠪᡳ᠉
1632 ᠴᡳ ᠠᠨᡳᠶᠠ ᡩᠠᡥᠠᡳ ᡩᠠᠴᡳ ᠮᠣᠩᡤᠣ ᡥᡝᡵᡤᡝᠨ ᠪᡝ ᠠᠯᡥᡡᡩᠠᠮᡝ ᠠᡵᠠᡥᠠ ᠮᠠᠨᠵᡠ ᡥᡝᡵᡤᡝᠨ ᡩᡝ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡶᡳ᠈ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡥᠠ ᡥᡝᡵᡤᡝᠨ ᠠᡵᠠᡥᠠ᠉ ᡨᡝᡵᡝᠴᡳ 「ᡩᡝ」「ᡨᡝ」᠈ 「ᠵᠠ」「ᠶᠠ」ᠰᡝᡵᡝ ᠮᡠᡩᠠᠨ ᠪᡝ ᠮᠠᠨᠵᡠ ᡥᡝᡵᡤᡝᠨ ᡩᡝ ᡳᠯᡤᠠᠪᡠᠴᡳ ᠣᠮᠪᡳ᠉ ᠨᡝᡳ ᡶᠣᠩᡤᡝ ᠮᠠᠨᠵᡠ ᡤᡳᠰᡠᠨ ᡳᠨᡠ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡥᠠ ᡥᡝᡵᡤᡝᠨ ᠪᠠᡳ᠌ᡨᠠᠯᠠᠮᠪᡳ᠉
ᡶᡳᠰᡝᠨ
ᡩᡠᡵᡠᡤᠠᠨ
[edit | edit source]ᡩᡠᡵᡠᡤᠠᠨ
ᠮᠠᠨᠵᡠ ᡥᡝᡵᡤᡝᠨ ᠮᠣᠩᡤᠣ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠈ ᠮᠣᠩᡤᠣ ᡥᡝᡵᡤᡝᠨ ᡠᡳᡤᡠᡵ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠈ ᡠᡳᡤᡠᡵ ᡥᡝᡵᡤᡝᠨ ᠰᠣᡤᡩᡳ ᡥᡝᡵᡤᡝᠨ (粟特文) ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠈ ᠰᠣᡤᡩᡳ ᡥᡝᡵᡤᡝᠨ (粟特文) ᠰᡳᡵᡳᠶᠠ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠈ ᠰᡳᡵᡳᠶᠠ ᡥᡝᡵᡤᡝᠨ ᠠᡵᠠᠮ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠈ ᠠᡵᠠᠮ ᡥᡝᡵᡤᡝᠨ ᡶᡝᠨᡳᡴᡳᠶᠠ ᡥᡝᡵᡤᡝᠨ (腓尼基文) ᠪᡝ ᡴᡡᠪᡠᠯᡳᠮᡝ ᠠᡵᠠᡥᠠᠩᡤᡝ᠉ ᡶᡝᠨᡳᡴᡳᠶᠠ ᡥᡝᡵᡤᡝᠨ (腓尼基文) ᠊ᡳ ᠰᡝᡴᡳᠶᡝᠨ ᠵᡠᠯᡤᡝᡳ ᡝᡤᡳᡦᡝᡨ ᠊ᡳ ᡝᠨᡩᡠᡵᡳᠩᡤᡝ ᠪᡳᡨᡥᡝ (圣书体) ᡩᡝ ᠪᠠᡥᠠᠴᡳ ᠣᠮᠪᡳ᠉
ᠰᡠᡩᡠᡵᡳ
[edit | edit source]ᠮᠠᠨᠵᡠ ᡥᡝᡵᡤᡝᠨ ᠪᠠᠨᠵᡳᡥᠠ ᠣᠩᡤᠣᠯᠣ
ᠮᠠᠨᠵᡠ ᠊ᡳ ᠮᠠᡶᠠ ᠵᡠᡧᡝᠨ ᡩᠠᠴᡳ ᠵᡠᡧᡝᠨ ᡤᡳᠰᡠᠨ ᡤᡳᠰᡠᡵᡝᡥᡝᠪᡳ᠈ ᠠᡳᠰᡳᠨ ᡤᡠᡵᡠᠨ ᠊ᡳ ᡨᠠᡳᡯᡠ ᠠᡤᡠᡩᠠ ᠊ᡳ ᡶᠣᠨᡩᡝ ᠨᡳᡴᠠᠨ ᡥᡝᡵᡤᡝᠨ᠈ ᡴᡳ ᡩᠠᠨ ᡥᡝᡵᡤᡝᠨ(契丹文) ᡩᡝᡵᡳ ᠵᡠᠸᡝᠨ ᡤᠠᡳᠮᡝ ᠵᡠᡧᡝᠨ ᡥᡝᡵᡤᡝᠨ ᡴᡡᠪᡠᠯᡳᠮᡝ ᠠᡵᠠᡥᠠ᠉ ᡩᠠᡳᠶᡠᠸᠠᠨ ᡤᡠᡵᡠᠨ ᠠᡳᠰᡳᠨ ᡤᡠᡵᡠᠨ ᠪᡝ ᡤᡠᡴᡠᠪᡠᡥᡝ ᠮᠠᠩᡤᡳ᠈ ᡩᠠᡳᠮᡳᠩ ᡤᡠᡵᡠᠨ ᠊ᡳ ᡩᡠᠯᡳᠮᠪᠠᡩᡝ ᡳᠰᡳᡨᠠᠯᠠ ᠯᡳᠶᠣᠣᡩᡠᠩ ᠨᡳ ᠪᠠᡩᡝ ᠵᡠᡧᡝᠨ ᡥᡝᡵᡤᡝᠨ ᡨᠠᡴᠰᡳᡥᠠᠪᡳ᠉ ᡩᠠᠮᡠ ᠮᠠᠨᠵᡠ ᡥᡝᡵᡤᡝᠨ ᡶᡠᡴᠵᡳᠨ ᡳᠯᡳᠪᡠᡵᡝ ᠣᠩᡤᠣᠯᠣ᠈ ᠵᡠᡧᡝᠨ ᡥᡝᡵᡤᡝᠨ ᠰᠣᠨ ᠰᠣᠨ ᠊ᡳ ᡤᡠᡴᡠᠮᡝ ᠮᡠᡴᡳᠶᡝᡥᡝᠪᡳ᠉
ᡝᡵᡩᡝᠨᡳ ᠪᠠᡴ᠋ᠰᡳ᠈ ᡬᠠᡬᠠᡳ ᠵᠠᡵᡤᡡᠴᡳ ᡨᠣᠩᡴᡳ ᡶᡠᡴᠠ ᠠᡴᡡ ᡥᡝᡵᡤᡝᠨ ᠪᡝ ᠠᡵᠠᡥᠠ
『ᠮᠠᠨᠵᡠ ᠊ᡳ ᠶᠠᡵᡤᡳᠶᠠᠨ ᡴᠣᠣᠯᡳ』᠊ᡳ ᡳᠯᠠᠴᡳ ᡩᡝᠪᡨᡝᠯᡳᠨ ᠊ᡳ ᠰᠣᠩᡴᠣᡳ᠈ 1599 ᠴᡳ ᠠᠨᡳᠶᠠ ᠨᡠᡵᡤᠠᠴᡳ ᡤᡳᠰᡠᠨ ᠪᡝ ᡝᠵᡝᠮᡝ ᠮᡠᡨᡝᡵᡝ ᡳᠴᡝ ᡥᡝᡵᡤᡝᠨ ᠪᡝ ᠠᡵᠠᡴᡳ ᠰᡝᠮᡝ ᡤᡡᠨᡳᡶᡳ᠈ ᡝᡵᡩᡝᠨᡳ ᠪᠠᡴ᠋ᠰᡳ᠈ ᡬᠠᡬᠠᡳ ᠵᠠᡵᡤᡡᠴᡳ ᡩᡝ ᡥᡝᠰᡝ ᠸᠠᠰᡳᡴᠠ᠉
上曰： 『漢人誦漢文，未習漢字者皆知之；
蒙古人誦蒙古文，未習蒙古字者皆知之。
我國語必譯為蒙古語，始成文可誦；
則未習蒙古語者，不能知也。
奈何以我國語製字為難，而以習他國語為易耶？』
額爾德尼、噶蓋請更制之法，上曰：
『是不難。
但以蒙古字協我國語音，聯屬為句，因文以見義可矣。』ᠨᡳᠩᡤᡠ (ᠨᡠᡵᡤᠠᠴᡳ) ᡥᡝᠨᡩᡠᡥᡝ:
「ᠨᡳᡴᠠᠨ ᠨᡳᠶᠠᠯᠮᠠ ᠨᡳᡴᠠᠨ ᡥᡝᡵᡤᡝᠨ ᠪᡝ ᡥᡡᠯᠠᠮᠪᡳ᠉ ᠨᡳᡴᠠᠨ ᡥᡝᡵᡤᡝᠨ ᠰᠠᡵᡴᡡ ᠨᡳᠩᡤᡝ ᡤᡝᠮᡠ ᡳᠨᡠ ᠰᠠᠮᠪᡳ᠉
ᠮᠣᠩᡤᠣ ᠨᡳᠶᠠᠯᠮᠠ ᠮᠣᠩᡤᠣ ᡥᡝᡵᡤᡝᠨ ᠪᡝ ᡥᡡᠯᠠᠮᠪᡳ᠉ ᠮᠣᠩᡤᠣ ᡥᡝᡵᡤᡝᠨ ᠰᠠᡵᡴᡡ ᠨᡳᠩᡤᡝ ᡤᡝᠮᡠ ᡳᠨᡠ ᠰᠠᠮᠪᡳ᠉
ᠮᡠᠰᡝᡳ ᡤᡠᡵᡠᠨ ᡳ ᡤᡳᠰᡠᠨ ᡠᡵᡠᠨᠠᡴᡡ ᠮᠣᠩᡤᠣ ᡤᡳᠰᡠᠨ ᡳ ᡠᠪᠠᠯᡳᠶᠠᠪᡠᡥᡝ ᠮᠠᠩᡤᡳ ᡩᠠᠮᡠ ᠪᡳᡨᡥᡝ ᠪᡝ ᠠᡵᠠᠮᡝ ᡥᡡᠯᠠᠮᠪᡳ᠉
ᡠᡨᡥᠠᡳ ᠮᠣᠩᡤᠣ ᡥᡝᡵᡤᡝᠨ ᠰᠠᡵᡴᡡ ᠨᡳᠩᡤᡝ ᠰᠠᡵᠠᡬᡝ ᠮᡠᡨᡝᡵᠠᡴᡡ᠉
ᠠᡳᠨᡠ ᠮᡠᠰᡝᡳ ᡤᡠᡵᡠᠨ ᡳ ᡥᡝᡵᡤᡝᠨ ᠪᡝ ᠠᡵᠠᡵᠠᠩᡤᡝ ᠮᠠᠩᡤᠠ ᠰᡝᡶᡳ᠈ ᡤᡡᠸᠠ ᡤᡠᡵᡠᠨ ᡳ ᡥᡝᡵᡤᡝᠨ ᠪᡝ ᡨᠠᠴᡳᡵᡝᠩᡤᡝ ᠵᠠ ᠰᡝᠮᠪᡳᡠ᠉?」
ᡝᡵᡩᡝᠨᡳ ᠵᠠᡳ ᡬᠠᡬᠠᡳ ᡴᡡᠪᡠᠯᡳᡵᡝ ᠠᡵᡤᠠ ᠪᡝ ᡶᠣᠨᠵᡳᡶᡳ᠈ ᠨᡳᠩᡤᡠ (ᠨᡠᡵᡤᠠᠴᡳ) ᡥᡝᠨᡩᡠᡥᡝ:
"ᠮᠠᠩᡤᠠ ᠸᠠᡴᠠ᠉ ᡩᠠᠮᡠ ᠮᠣᠩᡤᠣ ᡥᡝᡵᡤᡝᠨ ᠪᡝ ᠮᡠᠰᡝᡳ ᡤᡠᡵᡠᠨ ᡳ ᠵᡳᠯᡤᠠᠨ ᡩᡝ ᠠᠴᠠᠪᡠᡶᡳ᠈
ᠰᡳᡵᠠᠮᡝ ᡶᡳᠶᡝᠯᡝᠨ ᠣᠪᡠᡶᡳ᠈ ᡠᡨᡨᡠ ᠣᠴᡳ ᠪᡳᡨᡥᡝ ᡨᡠᠸᠠᡵᠠᠩᡤᠠ ᠮᡠᡨᡝᠮᠪᡳ᠉-淸史稿
ᡝᡵᡩᡝᠨᡳ ᠪᠠᡴ᠋ᠰᡳ ᠨᡳᡴᠠᠨ ᡤᡳᠰᡠᠨ᠈ ᠮᠣᠩᡤᠣ ᡤᡳᠰᡠᠨ ᡩᡝ ᡥᠠᡶᡠᡴᠠ ᠪᡳᡥᡝ᠉ ᡝᡵᡩᡝᠨᡳ ᠪᠠᡴ᠋ᠰᡳ ᡬᠠᡬᠠᡳ ᠵᠠᡵᡤᡡᠴᡳ ᠊ᡳ ᡝᠮᡤᡳ ᠮᠣᠩᡤᠣ ᡥᡝᡵᡤᡝᠨ ᠪᡝ ᡴᡡᠪᡠᠯᡳᠮᡝ ᠮᠠᠨᠵᡠ ᡥᡝᡵᡤᡝᠨ ᠪᡝ ᠠᡵᠠᡥᠠ᠉ ᡝᡵᡝ ᠪᡝ ᡨᠣᠩᡴᡳ ᡶᡠᡴᠠ ᠠᡴᡡ ᡥᡝᡵᡤᡝᠨ ᠰᡝᠮᠪᡳ᠉
ᡩᠠᡥᠠᡳ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡥᠠ ᡥᡝᡵᡤᡝᠨ ᠪᡝ ᠠᡵᠠᡥᠠ
1632 ᠴᡳ ᠠᠨᡳᠶᠠ ᡩᡝ ᡩᠠᡥᠠᡳ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡶᡳ᠈ ᠵᡠᠸᠠᠨ ᠵᡠᠸᡝ ᡥᡝᡵᡤᡝᠨ ᠊ᡳ ᡠᠵᡠ ᡨᠣᡴᡨᠣᠪᡠᡶᡳ᠈ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡥᠠ ᡥᡝᡵᡤᡝᠨ ᠣᠪᡠᠮᡝ᠈ ᡨᡝᡵᡝᠴᡳ ᡝᡵᡝ ᡥᠠᠴᡳᠨ ᠊ᡳ ᡥᡝᡵᡤᡝᠨ ᠠᡳᠰᡳᠨ ᡤᡠᡵᡠᠨ ᡩᡝ ᠰᡝᠯᡤᡳᠶᡝᡥᡝᠪᡳ᠉ ᡨᠣᠩᡴᡳ ᡶᡠᡴᠠ ᠪᡝ ᠨᠣᠩᡤᡳᠪᡠᡥᠠ ᠵᠠᠯᡳᠨ᠈ 「ᡴ」᠈ 「ᡤ」᠈ 「ᡥ」ᠰᡝᡵᡝ ᡥᡝᡵᡤᡝᠨ ᠪᡝ ᡨᡝᠨᡳ ᡳᠯᡤᠠᠪᡠᠴᡳ ᠮᡠᡨᡝᡥᡝᠪᡳ᠉ ᡩᠠᡳᠴᡳᠩ ᡤᡠᡵᡠᠨ ᡶᡠᡴᠵᡳᠨ ᡩᡝᡵᡳᠪᡠᡥᡝ ᡩᡝ ᠮᠠᠨᠵᡠ ᡥᡝᡵᡤᡝᠨ ᡩᡝ ᡥᡝᠰᡝ ᠸᠠᠰᡳᡴᠠᠩᡤᡝ ᠯᠠᠪᡩᡠ᠈ ᠠᠪᡴᠠᡳ ᠸᡝᡥᡳᠶᡝᡥᡝ ᡥᠠᠨ ᠊ᡳ ᡝᡵᡳᠨ ᡶᠣᠨ ᠊ᡳ ᠣᠩᡤᠣᠯᠣ᠈ ᠮᠠᠨᠵᡠ ᡥᡝᡵᡤᡝᠨ ᠊ᡳ ᠠᡵᠠᡥᠠ ᠪᡠᡴᡩᠠᡵᡳ ᠨᡳᡴᠠᠨ ᡤᡳᠰᡠᠨ ᠊ᡳ ᠠᡵᠠᡥᠠᠩᡤᡝ ᠴᡳ ᠯᠠᠪᡩᡠ᠉ ᡳᠵᡳᠰᡥᡡᠨ ᡩᠠᠰᠠᠨ ᡥᠠᠨ ᠊ᡳ ᡝᡵᡳᠨ ᡶᠣᠨᡩᡝ ᡩᠠᠮᡠ ᠮᠠᠨᠵᡠ ᡤᡳᠰᡠᠨ ᠊ᡳ ᠠᡵᠠᡥᠠ ᠪᡠᡴᡩᠠᡵᡳ ᠯᠠᠪᡩᡠ ᠪᡳᠮᡝ᠈ ᡝᠯᡥᡝ ᡨᠠᡳᡶᡳᠨ ᡥᠠᠨ᠈ ᡥᡡᠸᠠᠯᡳᠶᠠᠰᡠᠨ ᡨᠣᠪ ᡥᠠᠨ ᠊ᡳ ᡝᡵᡳᠨ ᡶᠣᠨᡩᡝ ᠮᠠᠨᠵᡠ ᠨᡳᡴᠠᠨ ᡴᠠᠮᠴᡳᠪᡠᡥᠠ ᠪᡠᡴᡩᠠᡵᡳ ᠯᠠᠪᡩᡠ ᠪᡳᡥᡝ᠉
ᠮᠠᠨᠵᡠ ᡥᡝᡵᡤᡝᠨ ᠪᡝ ᠯᠠᡨᡳᠨᠣ ᡥᡝᡵᡤᡝᠨ ᡩᡝ ᡝᠵᡝᡥᡝᠩᡤᡝ
ᡩᠣᡳᠴᡳᠯᠠᠨᡩᡝ (德国) ᡩᡝᡵᡳ ᠵᡳᡥᡝ ᡥᠠᡶᠠᠨ᠈ ᡴᡳᠮᠴᡳᠰᡳ Paul Georg von Möllendorff ᠮᠠᠨᠵᡠ ᡥᡝᡵᡤᡝᠨ ᠪᡝ ᠯᠠᡨᡳᠨᠣ ᡥᡝᡵᡤᡝᠨ ᡩᡝ ᡝᠵᡝᡴᡳ ᠰᡝᠮᡝ ᠯᠠᡨᡳᠨᠣ ᠮᠠᠨᠵᡠ ᡥᡝᡵᡤᡝᠨ ᠪᡝ ᡳᠯᡳᠪᡠᡥᠠ᠉