Wp/mkn/Indonesiya

From Wikimedia Incubator
< Wp‎ | mknWp > mkn > Indonesiya
Jump to navigation Jump to search

Indonesia flag.jpg Indonesiya pung bandera

Indonesiya ato biasa dapa omong deng Rapublik Indonesiya ato Nagara Kasatuan Rapublik Indonesiya tu Nagara di Asiya Tenggara yang dapa lewa garis khatulistiwa deng ini Nagara ada di antara Benua Asiya deng Ostraliya deng Samudra Pasifik deng Samudra Hindia. Indonesiya ni negara deng pulo paling basar su di dunia. Ini nagara pung pulo ada 17.504. Nama asli yang biasa orang Indonesiya pake tu Nusantara. Deng dia pu orang pu banyak 270.054.853 orang, bekin dia negara deng jumla orang paling banyak 4 di dunia, nagara deng Agama Islam paling banyak di dunia.

Bantuk Pamarintah[edit | edit source]

Garuda Pancasila.jpg

Nagara Indonesiya pung bentuk ni Kasatuan, deng Pamarintah pung bentuk Rapublik deng DPR, DPD deng Prasiden yang dapa pili dari dia pu orang - orang dong. Indonesiya ni dapa ator dari UUD 1945 deng Pancasila. Sekarang yang Prasiden di Indonesiya ni Ir. Hj. Joko Widodo.

Geografis[edit | edit source]

Indonesiya ni babatas deng Malasiya di Kalimantan, deng Papua Nugini di Papua deng Timor Leste di Timor. Nagara yang babatas deng Indonesiya tapi sond lewat pulo tu Ostraliya, Singapur, Filipina deng Kepuloan Andaman deng Nikobar di Indiya. Indonesiya ju dapa lewat dari Sirkum Pasifik, Sirkum Mediretania deng Sirkum Indo-Ostraliya makanya biasa Indonesiya rawan gempa, sunami deng gunung maletus.

Sajarah[edit | edit source]

Indonesiya pu budaya ni memang ada dapi su dapa pangaru dari nagara lain. Indonesiya ni dulu tampa orang bajual su dari abad14 karna ada Karajaan Srivijaya, Karajaan yang dia pu ibukota di Palembang. Ini karajaan ni jalin teman agama deng bajual deng Cina deng Indiya. Ini karajaan Hindu-Buda dong ju tumbuh sampe abad3 deng abad4 Masehi. Tarus Orang Arab yang iku bajual sambil kasebar Agama Islam dapa iko Orang Eropa yang iko datang bajual pas abad15 pu tarakir, supaya kasi acakaduk bajual di Maluku. Satela Indonesiya bebas dari Tana Belanda pung nagara yang dapa pegang su 3 abad memang, Indonesiya akirnya kasumum dia pu Mardeka pas tanggal 17 Agustus 1945.

Budaya[edit | edit source]

Dayak face.jpg Wp/mkn/Suku Dayak, orang asli Kalimantan

Dari Sabang di Ujung Ace sampe di Papua, '"Indonesiya ni talalu banyak Suku deng Agama. Kalo di bagian Timur lebi banyak Agama Kristen, ma kalo di Barat lebe banyak Agama Islam. Suku yang paling banyak di Indonesiya ni Suku Jawa su paling banyak. Kalo Ibukota Indonesiya pu suku asli tu Suku Betawi. Kota paling besar su di Indonesiya su andia Jakarta baru Surabaya di Jawa Timur.

Wisata[edit | edit source]

Raja Ampat, Mutiara Indah di Timur Indonesia.jpg Raja Ampat, di Papua

Indonesiya ni punya Pulo Komodo di Manggarai Barat deng Bali yang dong bilang tampa paling hits su. Di Indonesiya ju ada Monas yang ada di Jakarta yang dia pu bagian atas yang kuning tu dapa buat dari emas. Tarus di Toraja deng Toraja Utara tu ada diya pung nama Gua Mayat yang didalam dong kubur orang son di dalam tana, ma di gua. Tarus ju ada Buntu Burake ada Patung Tuhan Yesus Memberkati, ini patung ju ada di Manado.