Wp/mjx/Sarada Prasad Kisku

Sarada Prasad Kisku
Born	1929 Darikadoba Village, Manbazar, Purulia district, West Bengal, India
Died	18 March 1996 (aged 67)
Occupation	Writer
Nationality	Indian
Subject	Santhali Poems and Short Stories

Sarada Prasad Kisku do Bharot desom reaḱ Pạchim Baṅla, Bihar, Jharkhanḍ, O̱ḍisa ar Asam rajosṭi ren hoṛ ko ṭhen ạḍi sebel mit́ ńutum kana. Ona sãote nãhãḱ jug re uni do, dhạrti ren sanam ạdibạsi ko ren juluḱ ipil lekate menaḱ akadea. Santali sãohet́ ren nui do bhurkạḱ ipil do 1929 serma baṅ hạṭiń Bharot desom reaḱ Manbajar 2 number blok reaḱ daṇikaḍo̱ba ạto rey janam lena.

Janam

Onoliạ Sarada Prasad Kisku do 2 phebruwari 1929 sal rey janam lena. Uni ren apataḱ ńutum do tahẽkana Coron Kisku ar eṅgataḱ ńutum do tahẽkana Dhonmoni Kisku. Santali sãohet́ ren mit́ maraṅ maildhiri ar Sạdhu Ramcand Murmu ren celae tahẽkana. 1926 sal reaḱ Puruliyạ jilạ reaḱ Bandawan so̱r dạṛibo̱ḍa ạto re janam lena. Apat ńutum Charan Kisku ar eṅgat ńutum Dhonmoni Kisku.

Ạkil Hameṭ

Sarada Prasad Kisku do jorobaṛi ạto iskul re 1938 sal khon ol paṛhao taenom Boṛge̱ṛia iskul teko ucạṛ ledea. Onḍe khon 1940 salre do Baṅkuṛa jilạ reaḱ Nanibandh Miḍil iṅrại iskul re ko ucạṛ ledea. Onḍe khon ge 1943 sal re "meṭrik skolarsip" e ńam let́a. Ona gogṛo kạuḍi tege paṛhao katet́ 1948 sal re pạhil thok (first division) te gel kilạs paṛhao purạu taenom IA paṛhaḱ lạgit́ Bisnupur Ramanondo Kolej rey bharti lena. Menkhan hoṛmo jiwi bo̱ge baṅte cetan ạkil bidyạ baṅe hameṭ daṛeada. 1938 sal re Jo̱ro̱bri Nimno Prathamik iskul khon aćaḱ jingi ehoṕ lena. Oloḱ jingi re meriṭ sko̱larsip e ńam leda. Meṭrik ho pạhil bighak te pas leda. Ona taeom iskul mahasoe mente bahal lena. Iskul mahasoe tahen okte ge mạn Sarada Prasad Kisku gomke do 1973 salre unjokheć bharot ren rasṭropoti VV Giriaḱ ti khon rajdhoṅgol Dilli re adorso sikhok reaḱ mạne ńam leda.

Kạmi jion

Kobi Sarada Prasad Kisku do apasuloḱ lạgit́ 1950 sae re Puruliya jilạ. Reaḱ Bando̱an reaḱ Hindi Sikkha iskul khon pe cando̱ reaḱ sikhnạte arjaoan tahẽn kana. Inạ taenom inạ serma ge Jamto̱ṛia miḍil iskul ren iskul mahasoe hisạb tey bahal lena. Jạti sãota utnạu lạgit́ mente 1961 sal re kobi Kisku do Vidhansabha bachnao re Koṅgres dol hotetey tiṅgu lena. Menkhan bae jitạu lente ado oṛaḱ reaḱ cas kạmi rey dhurạu lena. Inạ taenom ako ato̠ khonaḱ turui mail sạ̃ńgiń siṅrạiḍi etohoṕ sikhnạt iskul ren Mahasoe hisạb tey bahal lena. Onḍe bar serma kạmi taenom ako ato̠ sur boṛdohi etohoṕ sikhạt iskul rey ucạṛ lena ar onḍe ge 1989 sal hạbić mahasoe kạmi purạu katet́e jirạu lena. Santal sãohet́ dhạrti re aćaḱ onoṛhe, sereń, kahni eman. Ona sãote ạḍi aema lekan sirphạ koe hameṭ akada.

Oloḱ kạmi

Paṛhaḱ jion re manotan kisku ṭhen santali pạrsi cetan dulạṛ do kin sirjaulet́ tahẽkana mahasoe daroknath sikdar ar Haradhon Hembrom. Inạ sãote kobi guru sạdhu ramcandaḱ onoṛhe sereń ko paṛhau kate santali te oloḱe etohoṕ let́a. Pạhil utạr do bihar sorkaraḱ khobor kagoj "hoṛ sombad" re "ol" ńutuman onoṛhe uchạn len taea. Inạ taenom tamam bihar ar kolkata korenaḱ sãohet́ sakam ko re onolko chapaoakan taea. 1957-58 sal re do Bhoboto̱s Sorenaḱ "kherwaṛ aṛaṅ" sãohet́ sakam re "ṭoṭko̱ moloṅ" bahna ńutum tey oḱol kan tahẽkana. Ona sãote "hoṛ sombad" ar "tetre" onol sakam re do "pataṅ surạe" bahna ńutum tey oḱol kan tahẽkana. Kobi Sarada Prasad Kiskuaḱ ńutuman onoṛhe puthi ko do hoyoḱ kana -

1) "Bhurkạḱ ipil"(1953),

2) "Kuhubạo"(1960),

3) "Gam gõdar"(1967),

4) "Lahaḱ horre"(1985),

5) "Bidạḱ beṛa"(1997),

6) "Sereń sepeń"(Rabindranath Thakur-aḱ "Gitańjali" kabiogrontho reaḱ Santali torjoma),

7) Kạhni puthi "Solom loṭom"(1988) ar

8) Sanam onolko̱ reaḱ puthi "juḍạsi onol mola"(1994).

Sirphạ ar sarhaona Kobi Sarada Prasad Kisku, disom hoṛ ar sorkar pahṭa khon jãhako̱ mạne ńam akat́a onako̱ do ho̱yo̱ḱ kana-

1) 1963 sale re "Abowaḱ gãota" pahṭa khon sarhao sirhpa..

2)1973 sal re "Bharotiyo sãohet́ porisod" pahṭa khon sarhao sirphạ..

3)1973 sale re "jạtiạri maced" mente rasṭropoti sirhpạ. Un jokheć rasṭropoti VV Giriaḱ ti khone ataṅ leda.

4)1981 sal re moharaja nagar ạdibạsi gãota pahṭa khon sarhao sirphạ.

5) 1982 sal re bikkromsila hindi biddapiṭh (bhagolpur) khon "kobirotno" mạn.

6)1986 sal re santali raiṭars risepson kumuṭ (sãtragachi, haoṛa) pahṭa khon "hihiṛi pipiṛi" sirphạ.

7)1986-87 sale re bihar sorkar rajbhasa pahṭa khon "jonojatiyo" sirphạ.

Kobi Sarada Prasad Kisku do upomohade̱s reaḱ go̱notontro laha lạgit́ ạḍi gạkhuṛ mit́ hoṛ-e tahẽkana. Uni do sạ̃t dosom re rajnitik kạmiạ sãohet́ somaj sõṅskarok hoye tahẽkana. Aćaḱ janam disom puruliya reaḱ somaj sõṅskar lạgit́ hõye kami let́a. Kuṛi hoponko̱ ḍạn mente somaj khon baher giḍi ar maḱ goć ạn birud re pạhil do uniye tiṅgu lena.

Boṅga tala

Kobi Sarada Prasad Kisku do 1996 sal renaḱ 18 marc (2 cạt 1402) hilo̱ḱ noa dhuṛi dhạrti bạgi katey boṅgatala akana.