Wp/mjx/Rasiya

Rasiya (/ˈrʌʃə/ ( listen); Russian: Росси́я, tr. Rossiya, IPA: [rɐˈsʲijə]), also officially known as the Russian Federation (Russian: Росси́йская Федера́ция, tr. Rossiyskaya Federatsiya, IPA: [rɐˈsʲijskəjə fʲɪdʲɪˈratsɨjə]), do utạr iwro̱siyare menaḱ joto khoć lạṭu disom kana.

Nagam

Rasiya

Rasiya ńutum do rus ńutum ńutum khoć heć kana. Tayomte ona ńutum arhõ pasnaw ena jokhon ona disom ren hoṛ do ạkuwaḱ disom bujhhawte "Русская Земля" (ruskaya jemella) men ku dhurawna. Jãhã renaḱ mane do huyuḱ kana rus hasa se rus ot. Rus ńutum te un jokhoć mit́ṭen jạti hõku tãhẽkana.

Rasiya renaḱ nagam do tesar ar eral aḱ say serma tala oktore iwro̱p ren mit́ṭen ńutuman jạti slabh ku talate. Tayom daramte bharańjiyan sipạhi ku ar uṅku ren gidrạ pidrạku ti te are say serma seć rasiya disom hisạbte beret rakap ena.

Rus biplo̱b tayom rusiyo̱ so̱bhiyet jukto̱rasṭriyo̱ pro̱jatontro do so̱bhiyet iwniyon renaḱ joto khoć lạṭu disom tãhẽkana. Un jokhoć nowa do ạḍi daṛeyan disom hisạṕ tege lekhaḱ kan tãhẽna. 1991 serma re so̱bhiyet iwniyon rạput lenkhan rusiyo̱ projatontro rus pheḍareson hisạbte tᱸgu rakapna.

Otno

Rasiya renaḱ simạna do iwro̱siya bhag renaḱ jạsti jaga niyạ tege menaḱa. Puruṕ iwro̱pe ar utạr esiya renaḱ jạsti bhag hõ rasiya bhitrire menaḱa. Ot hasa hisạbte rasiya do dhạrti renaḱ joto khon lạṭu disom kana. Rasiya renaḱ utạr pạchim khoć dạkhin puruṕ dhạbić norwe, phinlãḍ, esto̱niya, latbhiya, lithuwaniya ar po̱lenḍ, belarus, iwkren, jorjiya, ajarbayjan, kajakstan, cin, moṅgoliya ar etom ko̱riya renaḱ simạna menaḱa.

Rasiya do goṭa serma ge rabaṅ tãhẽna. Mit́ sermare 10 cãdo ge reyaṛ hoy ar 8 cãdo ge boroph daḱ ńuruḱa.

Pạrsi

Rus pạrsi do rasiya renaḱ sorkari pạrsi kana. Ono bad kate hõ rasiya re 80 cetan pạrsi menaḱa. Nowa bhitri kichu pạrsi do jaga jaga te sorkari pạrsi hisạṕ tehõ menaḱa.