Wp/mjx/Ranchi

Rạ̃ci do Jharkhõḍ renaḱ rajgaṛ kana. Nõwa do Sińot disom renaḱ samaṅ sehet́ (cãdo rakaṕ nakha) re menaḱa. Nowa Jharkhõḍ renaḱ ạḍi ńutuman sohor kana. Nowa do jharna sohor hõ ko metaḱa. Rạ̃ci Jharkhõḍ andolan renaḱ talma tahẽ kana jãha do etom bihar, końe ôḍisa, pace pochim baṅla renaḱ ạdibạsi ṭoṭha ar nitoḱ chotisgoṛ renaḱ samaṅ ṭoṭha renaḱ mit́ alag ponot renaḱ dạbi akana. Jharkhõḍ ponot renaḱ thapon 15 nobhembor 2000 sale re choṭanagpur ar santaṛ pargana renaḱ bihar khõḍ ko mesa kate huy lena tahẽt́. Rạ̃ci do maraṅ montri Norendro Modi aḱ muṇ smarṭ sohor mison renaḱ smarṭ sohor lekate uṭhnạw aḱ midsay sińotiyạ sohor ko mud re midṭạṅ lekate bachnaw akana.

Midṭạṅ buru khon rạ̃ci sohor Rạ̃ci do mit́ udyogik talma kana. Jahã muṇut́ lekate HEC (hebi ĩjiniyariṅ korporeson), sińotiyạ meṇhet́ pradhikaraṇ, mekon ona ko ar hõ kạrkhana menaḱa. Rạ̃ci sãwte jamsedpur ar bokaro nowa ponot renaḱ barya arhõ muṇ udyogik talma menaḱa.

Rạ̃ci do sińotiyạ krikeṭ muṛten mohendro siṅ dhoni aḱ jonom ṭhãw idi te phemos akana.

Jharkhõḍ renaḱ rajgaṛ rạ̃ci re sirjoniya do ajaḱ moj tet́ jhić kate reć kedeya. Sirjoniyạ moj reyaḱ rạ̃ci do ajaḱ moj ńel joṅ ṭhãw reyaḱ jiw barabari re jeget́ reyaḱ ńel joṅ (paryatan) noksa re hõ ńumanaḱ ameṭ akada. Gõḍa hil ar rok garḍen, haku oṛag, birsa jebik bagan, ṭaygor hil, mek kluskigãj ar aḍibasi saṅgrahạlạy nowa muṇut́ ńeljoṅ ṭhãw kana. Nowa ńel joṅ ṭhãw daṇa lekan baḍay ńamoḱ a je jhar jhor jharna re piknik renaḱ rạskạ sarsaḱ wa. Rạ̃ci renaḱ jharna meḍ re moṇe gagh re joto khon soresa. Cekate nowa moṇe thar te ńuruḱ kana. Nowa jharna ńel joṅ jaga mesa kate rạ̃ci do sorok puri leka bujhạoḱ a ar ńeńel ko bucri nowa jaga ko seteroḱ kana.

Otnoḱ ṭhãw

Rạ̃ci do korok rekha ṭhen menaḱa. Nowa nogorpalika eriya 652.02 dohra kilomiṭor (252 dohra mil) menaḱa, ar nowa reyaḱ tala usul dorya tal khon 651 miṭor menaḱa. Rạ̃ci do choṭanagpur paṭhar reyaḱ etom set́ re menaḱa. Rạ̃ci do buru ṭhãw re menaḱa.

Rạ̃ci reyaḱ mit́ buru ṭopographi ar nowa jhur ṭropikal buru renaḱ mit́ janawra kana ona ponot renaḱ jahã tinạḱ jaga menaḱa ona tege gabaw kana ona idi te dah rimil benaḱ kana. Ona idi kate behĩsaṕ bir dare keṭey ar sahri karan bajar charaw kan te onḍe naḱ lolo baṛti kana.

Hoṛ el

2011 renaḱ hoṛ lekha jokha lekate,[5] rạ̃ci nogorpalika rin hoṛ el 1,126,741 hoṛ menaḱ kowa, nowa sińot re 36 anaḱ aḍi maraṅ sohri sohor benawa. Koṛa aḱ hoṛ el do 52.1% ar tirlạ aḱ do 47.9% menaḱa. Rạ̃ci re secet́ dor do 87.68% menaḱa.

Uḍạn hor

Birsạ mũḍạ jejạtiyạri uḍạn ḍạhi do Jharkhõḍ renaḱ midṭaṅ ge jejạtiyạri uḍạn ḍạhi kana. Nowa do birsạ mũḍạ jejạtiyạri uḍạn ḍạhi menogoḱa.