Wp/mjx/Oḍisa

Oḍisa (ଓଡ଼ିଶା) do India disom reaḱ samaṅ nakha re menaḱ mit́ṭaṅ ponot kana. Noa reaḱ końe samaṅ re Pochim Baṅla, końe re Jharkhand, końe pace re Chottisgoṛ ar etom pace redo Andhra Pradesh menaḱa. Ot aṭet́ lekate do nõwa are ar hoṛ el lekate do gemit́ ṭhãw e ameṭ akat́a. Noḍenaḱ sorkari pạrsi do Uḍiạ kana. 2011 hoṛ lekha lekate nõwa ponot redo 33.2 million hoṛ uḍiyạ pạrsi ko bebhara. Nõwa reaḱ mare ńutum do koṛiṅgo tahẽ kana. Nõwa ponot do 1 epril 1936 sal re benãw lena. Onate bochor ge 1 April hiloḱ do Utkoṛ Mahã mente ko manawa. Bhubnesor nõwa ponot reaḱ joto khon maraṅ nagar ar raj gaṛ kana. Irạl sayaṅ khon bisti somoy hạbić noḍenaḱ rajgaṛ do koṭok tahẽ kana. Raj gaṛ do 18 epril 1948 hiloḱ bhubnes̃wor te ucạṛ lena. Jeget reaḱ joto khon jiliń gaḍa bãd hirạkud nõwa ponot reaḱ sombolpur honot re menaḱa. Ona chaḍa o̱ḍisa re arhõ ạḍi gan ńel joṅ ṭhãw menaḱa. Puri reaḱ jogonath mondir ar rat or ḍo jeget jakat hoṛ ko baḍay akaḱa. Puri reaḱ jogonath mondir, konarko reaḱ Siń Cãdo mondir, Bhubnesor reaḱ Liṅgoraj monḍir, Khonḍo Giri, Uḍoy Giri, Dhõwṛi Giri eman noa ponot reaḱ ńel joṅ ṭhãw kana. Balesor reaḱ Candipur re duḱ daram ghạṭi menaḱa.

Nagam

Ńutum

O̱ḍisa ńutum do Uro, Uḍro eman mare ạṛạ khon hatao akana. Pali ar Sanskrit sãohet́ re Uḍiyạ hoṛ do o̱ḍoko o̱ḍro ko meta koa.

Ńutum bodol

Maṛaṅ do Oḍisa ar Oḍiya do English ar Hindi te Orissa ar Oriya mente ko olet́ tahẽn. 2008 sal Jun cãdo 9 mạhit hiloḱ ponot kebineṭ re Orissa ar Oriya bodol te Odisha ar Odia ol lạgit́ prosṭab ạguyena. 2008 sal ogosṭo re ponot bidhan sobha re prostab ạguyehna ar bohumot sãwte hatãw ena. Nõwa do 2010 sal re bojeṭ odhibeson re loko sobha re ạguyena. Rabaṅ odhibeson reaḱ puylu din (Okṭobor 9, 2010) re nõwa do sorasṭro pi cidamborom lok sobha re ạgu leḱa. Ona tayom nõwa ḍisom gomke ṭhen bheja lena. Nõwa do 2011 sal nobhembor 4 hiloḱ bharot rinić ḍisom gomke pas keḱa.

Jila ko

O̱ḍisa reḍo 30 goṭaṅ jila menaḱa. Ona reaḱ ńutum kodo--- onuguṛ, bõwdho, bhodrok, bolaṅgir, borogoḍ, bales̃wor, koṭok, debogoḍ, ḍheṅkanaṛ, gońjam, gojopoti, jharsuguḍa, jajpur, jogotsiṅpur, khorda, kendujhor, koṛahanḍi, kondhomaṛ, korapuṭ, kendrapoḍa, malkangiri, moyurbhõj, noboroṅpur, nũwapoḍa, noyãgoḍ, puri, rayogoḍa, sombolpur, subornopur, sundorgoḍ.

Jillạ	Maraṅ nogor	Aytan (᱒ᱠᱤᱢᱤ.)	Hoṛ el	Secet́ dor	Block el	Panchayat el
Onuguṛ	Onuguṛ	6,347	12,71,703	78.96 %	08	209
Koṭok	Koṭok	3,915	26,18,708	84.20 %	14	342
Koṛahanḍi	Bhobanipaṭṇa	8,197	15,73,054	60.22 %	13	273
Kondhomaṛ	Phulbaṇi	6,004	7,31,952	65.12 %	12	153
Kinńjhir	Kendujhor	8,240	18,02,777	69.00 %	13	286
Kendrapoḍa	Kendrapoḍa	2,546	14,39,891	85.93 %	09	230
Ko̱rapuṭ	Ko̱rapuṭ	8,534	13,76,934	49.87 %	14	226
Khorda	Khorda	2,888	22,46,341	87.51 %	10	168
Gojopoti	Paroṛakhemunḍi	3,056	5,75,880	54.29 %	07	129
Gońjam	Chotropur	8,033	35,20,151	71.88 %	22	475
Jogotsiṅpur	Jogotsiṅpur	1,759	11,36,604	87.13 %	08	194
Jharsuguḍa	Jharsuguḍa	2,202	5,79,499	78.36 %	05	78
Ḍheṅkanaṛ	Ḍheṅkanaṛ	4597	11,92,948	79.41 %	08	199
Debgoḍ	Debgoḍ	2,781	3,12,164	73.07 %	03	60
Noboroṅpur	Noboroṅpur	5,135	12,18,762	48.20 %	10	169
Noyagoḍ	Noyagoḍ	3,954	9,62,215	79.17 %	08	179
Nuwapoḍa	Nuwapoḍa	3,408	6,06,490	58.20 %	05	109
Puri	Puri	3,055	16,97,983	85.37 %	11	148
Borogoḍ	Borogoḍ	5,832	14,78,833	75.16 %	12	248
Bolaṅgir	Bolaṅgir	6,552	16,48,574	65.50 %	14	285
Balesor	Balesor	3,706	23,17,419	80.66 %	12	289
Bowdho	Bowdho	4,289	4,39,917	72.51 %	03	63
Bhodrok	Bhodrok	2,788	15,06,522	83.25 %	07	193
Moyurbhõj	Baripoda	10,418	25,13,895	63.98 %	26	382
Malkangiri	Malkangiri	6,115	6,12,727	49.49 %	07	108
Jajpur	Jajpur	2,885	18,26,275	80.44 %	10	280
Raygoḍa	Raygoḍa	7,585	9,61,959	50.88 %	11	153
Sombolpur	Sombolpur	6,702	10,44,410	76.91 %	09	148
Subornpur	Subornopur	2,284	6,52,107	74.42 %	06	96
Sundorgoḍ	Sundorgoḍ	9,942	20,80,664	74.13 %	17	262