Wp/mjx/Latin Harop

Latin horop se Ro̱man horop do jeget re sanam khon jạsti bebharoḱ kan ol tohor kana. Nõwa do mare Grik horop khon tumạl hataw akana. Jeget re jạsti gan ot tohor renaḱ lipi nõwa Latin horop khon ge hataw akana (jeget ren 70% hoṛ ko bebharet́a). Pace, tala, ona sãw samaṅ iwro̱p, ona sãw sãw jeget renaḱ eṭaḱ ṭoṭha renaḱ jạsti gan manok ol tohor lekate nõwa latin horop ko bebharet́a.

Ńutum

Nõwa horop barya ńutum te baṛayoḱa, latin ar ro̱man. "ro̱man horop" ńutum do nõwa horop renaḱ janam ṭhãw ro̱m khon heć akana, menkhan yuniko̱ḍ ar jejạtiyạri manokikoṇon gãwta nõwa do "latin horop" mentey cinhạpa.

Nõwa renaḱ elkha do "ro̱man elkha, menkhan ro̱man sãw ayma ciki re netar hindu-arobi elkha tohor bebharoḱa.

Bebhar

Po̱ylo̱ ro̱man horop laṭin pạrsi ol lạgit́ bebharoḱ kan tahena. Tayom te eṭaḱ pạrsi kohõ nõwa horop te ol ko lagaw ena, cedleka : jorman pạrsi, iṅlis pạrsi, ḍac pạrsi, ḍenis pạrsi, norwejiyan pạrsi, suyḍis pạrsi, ayslenḍik pạrsi, phrẽc pạrsi, spenis pạrsi, po̱rtugij pạrsi, iṭaliyan pạrsi, cek pạrsi, kro̱yesiyan pạrsi, ro̱maniyan pạrsi, po̱lis pạrsi, phinis pạrsi, ayris pạrsi, skoṭs pạrsi, lithuwaniyan pạrsi, ro̱mans pạrsi ar o̱yels pạrsi.

Adom pạrsi re apnar lipi baṅ te ro̱man horop ko bebharet́a, cedleka : aphrikans pạrsi, esperanro̱, philipino̱ pạrsi, khasi pạrsi, garo pạrsi ar julu pạrsi.

Arhõ adom pạrsi eṭaḱ lipi khon ro̱man horop reko icạr akana, cedleka : haṅgeriyan pạrsi, indo̱nesiyan pạrsi, maloy pạrsi, turki pạrsi, bhiyetnami pạrsi, ujbek pạrsi ar turkmen pạrsi.