Wp/mjx/Girish Chandra Murmu
Girish Chandra Murmu (janam 21 nobhembor 1959) nowa sińot rinić 14 anaḱ kanṭrolar ar oḍiṭar jenral kana. Jạmmu Kạsmir renaḱ talma sorkar sason et́ ṭoṭha rinić puylu jog ponot gomke lekateko bahal kedeya. Murmu gomke do Gujraṭ khon 1985 sermare Indian Administrative Service rey bolo lena. Narendra Modi Gujraṭ rinić sirạ montri tahẽ kan okto re principal secretary lekate sirạ motri ạmạli re tãhe kanay. Ona tayom do kạwḍi ministry re Expenditure Secretary lekate tahẽ kanay Murmu gomke do Norendro Modi ren ạḍi sor ren hoṛ kanay mentey lekhaḱa ar ona khạtir Gujraṭ sorkar ạḍi lạṭu kạmi ko jimạw kadeya.
Jion[edit | edit source]
Girish Chandra Murmu do sińot disom renaḱ O̱ḍisa ponot Moyurbhõj honot (jillạ) renaḱ Betnoṭi sur Khoḍisoṛ pońcayot reaḱ Kańjisoṛ (Kạńcisoṛ) ạtu re janam len tahẽt́ 21 nobhembor 1959 sạhit re.
Gharõj[edit | edit source]
Murmu gomkeyić baba boṅga akan Mhagobot Murmu do mit́ onoliyạ hõy tahẽ kana. Uni do Bharot rel re ṭeson menejor lekay kạmi tahẽt́. Ać ayo̱aḱ ńutum do Parboti Murmu. Ako do joto te turuy boyhaḱa ko ar barya buhin tako. Girish Murmu do joto hoṛ khone maraṅa. Gujraṭ re kạmi jokheć ḍaktor Smita Sukṛa sãw aćaḱ bapla huy lena. Ạkin ren mit́ṭạṅ hopon ar mit́ṭạṅ hopon era menaya. Hoponera Ruchika hõ ạḍi laser hataṅạnić kanay. Uni do Delhi reaḱ DAV iskul re oloḱ kanay. Ạkinić hopon Rohan hõ meṭrik biniḍ e em akaḱa.
Secet́[edit | edit source]
Murmu gomke etohoṕ secet́ do ạtu sur re menaḱ bhuruḍuboṇi etohoṕ asṛa khon e ehoṕ leḱa. Ona tayom betnoṭi Sorot Chondro Vidyapiṭho ar baripoda re menaḱ ar em pi si usul asṛa re paṛhaw sạt kate o̱ḍisa ponot renaḱ rajgaṛ bhubnesor re menaḱ Utkal University khon Political Science re MA sạt keḱa. Ona tayom jobahorlal nehru jeget birdạgaṛ re oloḱ sãwte United Kingdom renaḱ University of Birmingham khon Public Services satam re MBA paṛhaw len tahẽ.
Kạmi[edit | edit source]
Sińot disom rinić disom gomke ramnath kobind hotete murmu gomke do jạmmu ar kạsmir talma sasonet́ elaka rinić lewṭinanṭ gobhornor (Lieutenant Governor) lekate bahal kedeyay 31 okṭobor 2019 khon. Nõwa laha te marc 2019 khon gomke do kạwḍi montrayṛaḱ (ministry) re khoroc sutret (Expenditure Secretary) lekate tahẽ kanay.