Wp/mh/COVID-19
Coronavirus (COVID-19) ej juon kain nan̄inmej me juon kij virus ej kōṃṃane im ejeļā ajeeded jān armej n̄an armej. Kij virus eo me ej kōṃṃane COVID-19 ej juon coronavirus me ekāāl wōt ilo aolepan laļ in. Kakōļļe ko an COVID-19 remaron̄ jān mera (ak ejjeļọk kakōļļe ko) n̄an nan̄inmej ekauwōtata.[1]
Kwō maron̄ tōran̄ ilo aṃ keepaak im ekkeitaak (ellōkan 6 ne ak aitokin ruo pā) ippān juon armej im elōn̄ an COVID-19. Eļaptata an COVID-19 ajeeded jān armej-n̄an-armej. Kwō maron̄ tōran̄ jān pil jidikdik in menono ko n̄e juon armej me eṃōj an tōran̄ ej pokpok, ṃaje ak kōnono. Kwō bar maron̄ in ebbōk jān aṃ jibwe ioon juon men eo im kij virus eo ej pād ioon, innām jibwe lọn̄iōṃ, bọtiṃ, ak mejeṃ.[1]
Ejan̄in wōr juon wā vaccine n̄an kōjparok ņae COVID-19. Wāween eo eṃṃantata n̄an kōjparoke eok make ej ilo aṃ bōbrae aṃ kepaake kij virus eo me ej kōṃṃane COVID-19. Pād wōt ṃweo iṃōṃ n̄an jon̄an aṃ maron̄im bōbrae am keepaak ro jet. Kōņake juon kein kalbubuuk iturin mejeṃ nuknuk me ej kalbubuuk bọtiṃ im lọn̄iōṃ ijoko lọbwilej. En ikut aṃ karreoik im ṃanṃan kij ioon men ko me ikut an armej jibwe. En ikut aṃ aṃwin peōṃ kōn joob im dān iuṃwin ejjab dikļọk jān 20 jekōn, ak kōjerbal juon kein ṃanṃan kij ilo pā (hand sanitizer) me ej iiōk jān ejjab dikļọk jān 60% arkooļ.[1]
Wia ṃōn̄ā im wūno, itān loļọk taktō eo im kadedeļọk eṃṃakūtkūt ko ikijjien pāān̄online n̄e kwō maron̄. N̄e kwōj aikuj in etal kōn ānbwin, kwōn pād wōt ejjab dikļọk jān 6 ne jān ro jet im ṃanṃan kij (disinfect) ioon men ko me kwō aikuj in jibwe. Ebbōk men ko bōkļọk (delivery) im takeout, im kabbōjrak im ekkeitaak armej n̄an jon̄an aṃ maron̄.[1]
Pād wōt ṃweo iṃōṃ n̄e kwō nan̄inmej, ijellọkun n̄an kappukot kōjparok-wūno. Bōbrae iaļ ko lọbwilej, ajej-iaļ, ak tāākji ko. Kōjepel eok make jān armej ro jet im menin mour nājnāj ilo ṃweo iṃōṃ. Ejjeļọk juon wāween kōṃadṃōde COVID-19 ejejjet, ak kwō maron̄ kappukot kōjparok-wūno n̄an jipan̄ n̄an kadikļọk kakōļļe ko aṃ. N̄e kwōj aikuj itān taktō, kūrļọk mokta.[1]
Elōn̄ an aolep armej uwōta in ebbōk COVID-19. Liļļap im lōļļap ro im armej ro jekdọọn dettaer me elōn̄aer apan̄ kōn ājmuur/wūno ṃwilaļ remaron̄ pād iuṃwin uwōta eļapļọk n̄an ebbōk nan̄inmej ekauwōtata.[1]