Wp/mfb/Jepang

Jepang (日本), Nippon atau Nihon ialah negara kepulauan yang letak e di Asia Timur. Ibukota e Tokyo. Jepang ne adalah negara maju ekonomi kek teknologi e, selaen tu die orang agik tetep megang tradisi budaya e. Orang Jepang banyak e meluk agama Buddha kek Shinto. Orang Jepang ne cukup banyak populasi e, yakni 126 juta dibanding kek luas negara e yang sekitar 370 ribu km persegi. Jadi sebener e Jepang to padet penduduk e.

Wilayah Jepang tebagi menjadi 4 ikok pulau besak ditambah kek pulau-pulau kecit lain. Men diliet dari ujung Hokkaido sampai Okinawa, sangat jauh bentang e. Pulau besak Jepang ialah Hokkaido, Honshu, Shikoku kek Kyushu. Pulau kecit yang utama ialh Pulau Okinawa dalem gugusan Ryukyu. Di Jepang ade banyak gunung berapi dan sering kene gempa bumi.