Wp/mfb/Awatara

Awatara ape Avatar (Sanskerta: अवतार, avatāra, bace: awatara) dalem agama Hindu adalah inkarnasi Tuhan Yang Maha Esa ape penjelmaan e. Tuhan Yang Maha Esa atau penjelmaan e turun ke dunia, ngmabik sikok bentuk wujud, guna e kek nyelametken dunia dari kehancuran kek kejahatan, negakken darma kek nyelametken orang-orang yang nunaiken darma atau kebenaran.

Agama Hindu mengenal ade e Dasa Awatar yang paling tekenal daripada Awatara-awatara lain. Dasa Awatara adalah 10 ikok Awatara yang dipecaye wujud Dewa Wisnu dalem tujuan nyelametken dunia. Dari 10 Awatara, 9 ikok e kate e la pernah nyelamet dunia ne. Sude to sikok di antara e yang paling akir (Kalki Awatara) agik nunggu waktu yang tepat kek turun ke dunia. kisah Awatara-Awatara to ditulis dalem kitab yang name e Purana. Beberapa orang ade yang pecaye bahwa filsafat Dasa Awatara to nunjukken pekembangan kehidupan kek peradaban manusia di bumi ne. Tiap Awatara adalah lambang pekembangan jaman yang la kejadi, kayak:

• Matsya Awatara=lambang kehidupan pertama kali kejadie e di aik.
• Kurma Awatara=pekembangan sudeh e, yaitu muncul e hewan amfibi.
• Waraha Awatara = kehidupan la mulai ade di darat.
• Narasimha Awatara= la mulai mamalia to berevolusi atau berubah bentuk e.
• Wamana Awatara = manusia la mulai bekembang tapi lom bagus bener.
• Parashurama Awatara = disebut puli petapa yang mawa kapak, tanda e manusia la jadi sempurna.
• Rama Awatara = saat manusia la mulai muet pemerintahan.
• Krishna Awatara = manusia to la hebat dalam 64 bidang pengetahuan kek kesenian. Ni ne melambangkan manusia la hebat budaya kek adab e la maju.
• Balarama Awatara = disebut puli Abang Kresna yang besenjata alat bajak sawah, ni berarti lambang manusia la hebat dalam bidang tani.
• Buddha Awatara, arti e yang la dapet pencerahan, tanda e manusi la maju kehidupan sosial e.