Wp/mfa/Tuwok

Jangae ttuka nga Tuwok masae hok buléh mmabók

Aé tuwok (Kècèk Nnayu: Nira) ni sjenih aé minumae manih hok ssadak dari mayae nyo. Caro nok buléh ko tuwok keno guno kèkdoh sadak, nok sadak tuwok pulok keno ado sabik penyadak. Aé tuwok ni orae brèhi minung ttiko bulae poso. Tuwok jugok nyo masok atawo prosèh jjadi nisae.

Caro sadak

Sbelóng keno sadak, mayae nyo prikak nok baluk balut‍  ssemo bahagiyae. Ni kih tok sé mayae pah ni bbera dokpóng tebuko ttiko sadak. Mayae nyo keno sadak alék ujóng, pah biya brapo ari sbelóng tuwok nnitik. Tuwok nyo tadoh guno tuké tukil‍  hok nyo letok alék ujóng tepak sadak tu. Tuké dulu orae wak dari bulóh, lloni orae guno boto plastik kih diyo mudoh jjupo dae taehae lasok. Ado jugok orae guno supik aé nok tadoh tuwok.