Wp/mfa/Sema

Kuwé sema atapóng kuwé gulo tarék ni saloh satu kuwé tradisi di Klatè nga Terengganu (nyo panggé kuwé Semang Sarang Burung) hok nyo buwak dari tepóng gandóng nga gulo. Kuwé sema ni ssero lembuk nga raso manih, nyo saluk nga adunè tepóng hok nyo goréng.

Nok buwak kuwé sema ni keno teliti nok suróh tèhè lamo; nok mmiléh gulo nga tepóng gandong póng kenolah bekuwaliti. Ataro prosèh nok buwak kuwé ni yakni prosèh kkerah gulo, nnarék gulo, kkerak dè ggulóng kuwé ni biya bbetuk. Nnarék gulo hok paling peténg boktè keno buwak cepak-cepak guno caro sdiri. Tepóng pulok keno goréng dulu dè keno sokmo dalè suhu hok sesuwa. Jo’ong skliling jugok keno cakno mugo gulo lamo kè cepak caé dokpóng kkerah.