Wp/mfa/Akok
Akok ni kuwé hok ssohó alék Klate nga Teganu. Akok ni ssero manih tteló nyo buléh make wak makene reknge dok póng ccuci muluk. Ado jugok hok jenih bespe, namo diyo Akok Blaók.
Akok ni nyo buwak dari teló, tepóng gandóng, sate nga gulo[1] hok nyo letok dale sare loye tradisiona de bbaka nga are sabuk klapo, nok buwi baung.[2] Caro nyo adóng nga bbaka lah ppuco Akok tu braso sedak de jeliro utók nyo make. Kade-kade akok ni nyo bubóh nga gulo meroh dok póng gulo Mlako. Kih bubóh gulo ni la akok nyo jadi gelak-glemak.
Akok jugok nyo buléh jjupo dale banyok betók. Hok sokmo nyo jjupo betók mace bahulu. Tapi gak, ado jah jenih bbujó nga betók bungo hok nyo kena sbaga Akok Kebojo.
Akok skalo nyo buwak utók jjuwa nak-nak hari atapóng ikuk tepohe. Masaaloh akok ni tehe so ari jah kalu dók lluwa kih nyo buwak dari sate. Kalu nok tehe lamo nyo keno ssejuk dale peti. De la ddale smenggu, pi gak ssero laing. Nok lamo lagi gak keno beku, de tehe dale sbule.[3]