Wp/mam/Ajaw

From Wikimedia Incubator
< Wp‎ | mamWp > mam > Ajaw

Toj qyol mam, ajo yol Qajwil mo Ajaw, a tb'i b'inchil tkyaqil twitz kya'j ex twitz tx'otx'. A Qajwil mo Ajaw kub' ten nej twitz tkyaqil ti'chaq, manb'aj ex txub'aj.[1]

Txilen Qajwil tuk'il tkyaqil ti'chaq ch'iysin[edit | edit source]

Tkyaqil ti'chaq tb'inchin Qajwil mo Ajaw, a b'inchil twitz kya'j, b'inchil kye che'w, b'inchil xjaw mo yaya, b'inchil twitz tx'otx', b'inchil muj, b'inchil a', b'inchil tqan nim a', b'inchil kyq'iq', ch'iysil kye tze, txukup ex xjal. A Qajwil mo Ajaw tajwil tkyaqil ti'chaq, tu'ntzan nxq'uqin ti'j, in ayo'n tu'n txi kyojtzqin xjal, tu'n tkub' kynimin, tu'n txi kyq'o'n xjal chojonte ex k'ulb'il ti'j tkyaqil tb'inchb'in, qu'n xjan twitz tkyaqil. Jun tumil tze'n ntzaj tyek'ina Qajwil mo Ajaw tib' kye xjal twitz Qtxu Tx'otx', a tipin txew at toj kynawal xjal mo tuk'il twitz kychwinqil.[2]

Junjuntl tqanil[edit | edit source]

Ajo yol Qajwil mo Ajaw, ma tz'okin ojtxe te kyb'i tnejenel mo tkawil qtanam, qu'n chq'o'n nchi oke te kawil o nejenel tu'n Qajwil mo tq'ob' Qajwilqe twitz tx'otx'. Toj junjun kytanam qxjalil, in okin yol Ajaw te q'umb'il kyiqitz ex kyoklen tijxjal toj tnam, ex in okin te q'umb'il kyoklen tkawil okslab'il. Ikytzan tze'n mo tza'n toj kytanam qxjalil K'iche', kajawxel ex rajawal chichi kyi'j ajkawil, atzan kyxilen yol "qe qtata ex qajwil" ex "a tajwil ex twi'tzala".[3] Juntl txilen yol rajawal a "txub'aj ex manb'aj".[4]

Referencias bibliográficas[edit | edit source]

  1. García, Curruchiche & Taquirá, 2009; Palma, 2006
  2. Chochoy, et al, 2006; García, Curruchiche & Taquirá, 2009; Palma, 2006
  3. García, Curruchiche & Taquirá, 2009; León, 1999; Rupflin, 1999
  4. Mendez, et al., 2008