Wp/mak/Mangkasarak (Kota)

Biring Tamparangna Kota Mangkasarak

Mangkasarak (riolo nikana Ujung Pandang) iami antu kota ri Sulawesi Itimboroka. Mangkasarak iami kota kaminang lompoa ri Sulawesi na Indonesia Irayaya.

Riolo, anne kotaya nikana Ujung Pandang sabak anne kotaya appakaramula ri kampong iareka pakrasangang Ujung Pandang (kamma-kamma anne ajjari Benteng Pannyua). Na anjo bedeng lanri niarengna Ujung Pandang sabak anjo pakrasangang niak taklamung pokok pandang akkatinting ri biring kassikna. Ri wattu pammarentana Balandaya, anne kotaya nikanaya Makassar mingka i lalang basa Mangkasarak nipabbattuangi Ujung Pandang. Ri taung 1971, basa Indonesiana anne kotaya "Makassar" nisambe ajjari Ujung Pandang annuruki areng Mangkasarakna, sabak nipakaluaraki luarakna anne kotaya. Mingka lebbakna Reformasia, nipotérangi arenna ajjari "Makassar" sabak napakalingui passombalaka siagang anne arenga niassengi ri tau jaia (i panratangna tuSulawesi I Timboroka).