Wp/mag/हावड़ा

हावड़ा হাওড়াcode: bn is deprecated हाओड़ा
नगर
उपनाम:  पूर्वके शेफ्फील्ड
देश	भारत
राज्य	पश्चिमबङ्गाल
मण्डल	हावड़ा मण्डल
जनसङ्ख्या	१०,७२,१६१
भाषा
• आधिकारिक	बङ्गला
समयमण्डल	युटिसि+5:30 (भामास)
पिन कोड	७११xxx
लिङ्गानुपात	904 ♂/♀
लोकसभा क्षेत्र	हावड़ा
विधानसभा क्षेत्र	हावड़ा उत्तर, हावड़ा मध्य, हावड़ा दक्षिण, शिबपुर
प्रशासन	हावड़ा महानगर पालिका (दीर्धभाग), एवं बाली नगरपालिका (उत्तरी क्षणिक भाग)
महापौर	रथिन चक्रवर्ती (तृणमूल काँग्रेस)
जनसंख्या	1072161 (2011 जनगणना)
ऊँचाई	12
जालस्थल	www.howrah.gov.in

हावड़ा (बङ्गला: হাওড়াcode: bn is deprecated , हाओड़ा) भारतके पच्छिमबङ्गाल राज्यके हावड़ा मण्डलमे स्थित एगो औद्योगिक नगर, पश्चिमबङ्गालके दोसरा सबसे बड़नगर एवं हावड़ा मण्डल आउ हावड़ा सदरके मुख्यालय हे । हुगलि नदीके दहिना तटे स्थित, ई नगर कलकताके जुड़वाके रूपमे जानल जा हे, जे कौनो जमानामे भारतके अङ्ग्रेजी सरकारके राजधानी आउ भारत एवं विश्वके सबसे प्रभावशाली एवं धनी नगरमे से एक होवकरहलै । हावड़ा नगर कलकताके एक महत्वपूर्ण परिवहन केन्द्र आउ उपनगर हे । ई हावड़ा रेलवे स्टेशन आउ हावड़ा ब्रिजके माध्यमसे पुरान कलकताके प्रवेशोद्वार हे । रवीन्द्र सेतु, विवेकानन्द सेतु, निवेदिता सेतु एवं विद्यासागर सेतु एकरा हुगली नदीके पूर्वी किनारे स्थित पश्चिमबङ्गालके राजधानी कलकतासे जोड़हे । आझो हावड़ा कलकताके जुड़वाके रूपमे जानल जा हे, समानता होवेके बावजूद हावड़ा नगरके भिन्न पहचान हे । एकर अधिकांशतः हिन्दीभाषी जनसङ्ख्या, जे कि कलकतासे एकरा तनी अलगे पहचान दे हे ।

समुद्रतलसे मात्र १२ मीटर ऊँचा ई नगर रेलमार्ग एवं सड़कमार्ग द्वारा सम्पूर्ण भारतसे बेस नियन जुड़ल हे । एहाँके सबसे प्रमुख रेलवे स्टेशन हावड़ा जंक्शन रेलवे स्टेशन हे । हावड़ा स्टेशन पूर्व रेल आउ दक्षिणपूर्व रेलके मुख्यालय हे । हावड़ा स्टेशनके इलावा हावड़ा नगर क्षेत्रमे आउ ६ रेलवे स्टेशन हे आउ एक आउ टर्मिनल शालीमार रेलवे टर्मिनलो स्थित हे । राष्ट्रिय राजमार्ग २ एवं राष्ट्रिय राजमार्ग ६ एकरा दिल्ली एवं मुम्बईसे जोड़हे । हावड़ा नगरके अन्तर्गत सिबपुर, घुसुरी, लिलुआ, सलखिया आउ रामकृष्णपुर उपनगर सम्मिलित हे ।

नामकरण

हावड़ाके नाम बङ्गला शब्द "हाओर" (बङ्गला: হাওর) से आएल हे जे कि बङ्गलामे पानी, कीचड़ आउ जमल जैविक मलबाके पोखड़ला प्रयोग होवहे । वैज्ञानिक रूपसे हाओर एक अवसाद हे, जे एक नदी दलदल या झील होवहे । ई शब्दके प्रयोग बङ्गालके पूर्वी भागे जादे होवकरहलै (जे अखनि बङ्गलादेश हे) ।

एकरो देखी

• जनसङ्ख्या अनुसार भारतके नगरके सूची
• हावड़ा मण्डल