Wp/mag/भीमराव आम्बेडकर

डा॰ भीमराव रामजी आम्बेडकर (१४ अप्रिल, १८९१ - ६ दिसम्बर, १९५६) एगो भारतीय बिधिवेत्ता तथा सुधारवादी हल । ऊ एगो राजनीतिक नेता, सुधारवादी बौद्धगुरु तथा भारतीय संविधानके निर्मातो हल । ऊनखा बाबासाहेब आम्बेडकर नामोसो चिन्हल जाहल । 'बाबासाहेब'के अर्थ मराठीभाषामे पिता होवहे । उनखर जनम एगो गरीब अस्पृश्य (अछूत) परिवारमे होअल हल । बाबासाहेब आम्बेडकर अपन सम्पूर्ण जीवन हिन्दुधर्मके हिन्दुवर्ण व्यवस्था, आउ भारतीय समाजमे व्याप्त जातीय व्यवस्थाके विरुद्धके सङ्घर्षमे बितौलक । हिन्दुधर्ममे मानव समाजके चार वर्णमे बर्गीकृत कैल गेलहे । आम्बेडकरके बौद्ध महाशक्तिके दलित आन्दोलन प्रारम्भ करवावेके श्रेयो जाइत हे । बाबासाहेब आम्बेडकरके भारतरत्नोसे सम्मानित कैल गेल हल, जे भारतके सर्वोच्च नागरिकपुरस्कार हे ।

ऊ तखनी अछूत मानल गेल दलितमेसे पहिला व्यक्ति हल जे बहुतरास सामाजिक आउ बित्तीयबाधा पार करके, भारतमे कालेजके शिक्षा प्राप्त कैलक । आम्बेडकर बिधानके उपाधि प्राप्त करेके सङ्गे बिधि, अर्थशास्त्र आउ राजनीतिक बिज्ञानमे अपन अध्ययन आउ अनुसन्धानके कारण कोलम्बिया बिश्वविद्यालय आउ लण्डन् स्कूल् आफ इकनामिक्स् से बहुतरास डक्टरेट् डिग्रिओ अर्जित करलन हल ।