Wp/mag/भाषापरिबार
आपसमे सम्बन्धित भाषासभके भाषा-परिबार कहहथ । कौन भाषा कौन परिबारमे आवहे, एकराला बैज्ञानिक आधार हे।
अखनि सन्सारके भाषाके तीन अवस्था हे । बिभिन्न देसके प्राचीनभाषा जेकर अध्ययन आउ बर्गीकरण पर्याप्त सामग्रीके अभावमे नै हो सकल हे, पहिल अवस्थामे हे । ईसभके अस्तित्व एकरामे उपलब्ध प्राचीन शिलालेख, सिक्का आउ हस्तलिखित पुस्तकमे अखनियो सुरक्षित हे । मेसोपोटेमियाके पुरान भाषा ‘सुमेरीय’ तथा इतालीके प्राचीनभाषा ‘एत्रस्कन्’ ई प्रकारके भाषा हे । दोसर अवस्थामे ऐसन आधुनिकभाषा हे, जेकर सम्यक् शोधके अभावमे अध्ययन आउ बिभाजन प्रचुर सामग्रीके होइतहुँ नै हो सकल हे । बास्क्, बुशमन्, जापानी, कोरियाई, अण्डमानी आदि भाषा इहे अवस्थामे हे । तेसर अवस्थाके भाषामे पर्याप्त सामग्री हे आउ ओकर अध्ययन एवं बर्गीकरण हो चुकल हे । यूनानी, अरबी, फारसी, सन्स्कृत, अङ्ग्रेजी आदि अनेक बिकसित एवं समृद्धभाषा एकर अन्तर्गत हे ।