हमनीके सौरमण्डलके कुछ चन्द्रमा, जेकरामे से एक (शनिके चन्द्रमा, टाइटन) एतना बड़ हे कि ओकर अपन वायुमण्डल हे - आकारके तुलनाला पृथिवियो दिखावल गेलहे
प्राकृतिक उपग्रह वा चन्द्रमा ऐसन खगोलीय वस्तुके कहल जाहे जे कौनो ग्रह, क्षुद्रग्रह वा अन्य वस्तुके एन्ने-ओन्ने परिक्रमा करहे । जुलाई २००९ तक हमनीके सौरमण्डलमे ३३६ वस्तुके ई श्रेणीमे पाएल गेलैहल, जेकरामे से १६८ ग्रहके, ६ बौना ग्रहके, १०४ क्षुद्रग्रहके आउ ५८ वरुण (नेप्ट्यून) से आगे पाएल जायेवाला बड़ वस्तुके परिक्रमा करैत हलै । लगभग १५० अतिरिक्त वस्तु शनिके उपग्रही छल्लोमे देखावल गेलैहे किन्तु ई ठीकसे अन्दाजा नै लग पाएल हे कि ऊ शनिके उपग्रह नियन परिक्रमा करैत हे कि न । हमनीके सौरमण्डलसे बाहरे मिलल ग्रहके एन्ने-ओन्ने अखनियो ढेर उपग्रह न भेटल हे किन्तु वैज्ञानिकके विश्वास हे कि ऐसन उपग्रहो बड़ सङ्ख्यामे जरूर मौजूद होतै ।
जे उपग्रह बड़ होवहे ऊ अपन अधिक गुरुत्वाकर्षणके चलते अन्दर खिचके गोल अकारके हो जाहे, जकनकि छोट चन्द्रमा टेढ़-मेढ़ो होवहे (जैसेकि मङ्गलके उपग्रह - फोबोस आउ डेमोस) ।
