Wp/mag/धनतेरस

धनतेरस
धनतेरस व्रत
आधिकारिक नाम	धनतेरस व्रत
अनुयायी	हिन्दु, भारतीय, भारतीय प्रवासी

कार्तिक माह (पूर्णिमान्त) के कृष्ण पक्षके त्रयोदशी तिथिके दिन समुद्र मन्थनके समय भगवान धन्वन्तरि अमृत कलश लेके प्रकट होलथिन हल, एहीसे ई तिथिके धनतेरस या धनत्रयोदशी के नामसे जानल जा है । भारत सरकार धनतेरस के राष्ट्रिय आयुर्वेद दिवस के रूपमे मानेके निर्णय लेलकै हे ।

जैन आगममे धनतेरसके 'धन्य तेरस' या 'ध्यान तेरस' ओ कहल जा हे । भगवान् महावीर ई दिन तीसरा आउ चौथा ध्यानमे जाएला योग निरोधला चल गेलथिन हल । तीन दिनके ध्यानके बाद योग निरोध करैत दीपावलीके दिन निर्वाणके प्राप्त होलथिन । तहियेसे ई दिन धन्य तेरस के नामसे प्रसिद्ध होलै ।

प्रथा

धन्वन्तरी पूजन

ई अवसर पर बर्तन किनेके परम्परा है । कनहु कनहु लोकमान्यताके अनुसार इहो कहल जा है कि ई दिन धन (वस्तु) किनेसे ओकरामे तेरह गुणा वृद्धि होवहे । ई अवसर पर लोग धनियाँके बीज किनहुँके घरे रखहथिन । दीपावलीके बाद ई सब बीजके लोग अपन बाग-बगीचामे या खेतमे रोपहथिन ।

धनतेरसके दिन चान्दी किनहुँके प्रथा है; जेकर सम्भव न होवे पारे पर लोग चान्दीके बर्तन किनहथिन । लोग ई दिन दीपावलीके रात लक्ष्मी, गणेशके पूजा लागि मूर्तियो किनहथिन ।

धनतेरसके साँझे घरके बाहरे मुख्य दोहरिये आउ अङ्गनामे दीप जलावहुँके प्रथा है । ई दिन घरसे बाहरे दक्षिण दिशा दन्ने दीया जलाके रखहथिन ।

धनतेरसके सन्दर्भमे एक लोककथा प्रचलित है कि एक बेर यमदूत यमराजसे प्रश्न कैलथिन कि अकाल मृत्युसे बचेके कौनो उपाय है का । ई प्रश्नके उत्तर देइत यम देवता कहथिन कि जे प्राणी धनतेरसके सन्ध्या यमके नाम पर दक्षिण दिशामे दीया जलाके रखतै ओकर अकाल मृत्यु न होवे । ई मान्यताके अनुसार धनतेरसके सन्ध्या लोग अङ्गनामे यम देवताके नाम पर दीया जलाके रखहथिन । ई दिन लोग यम देवताके नाम पर व्रतो रखहथिन ।

धन्वन्तरि

धन्वन्तरि देवताके चिकित्सक हथिन आउ चिकित्साके देवता हथिन, एहिये चिकित्सकला धनतेरसके दिन बड़ी महत्वपूर्ण होवहे । कहल जा है कि समुद्र मन्थनके समय भगवान् धन्वन्तरि आउ मैया लक्ष्मीके जन्म होलै हल, एही कारण है कि धनतेरसके भगवान् धन्वन्तरि आउ मैया लक्ष्मीके पूजा कैल जा हे । धनतेरस दिपावालीके दु दिन पहिले मनावल जा है ।

एकरो देखथिन

• आयुर्वेद
• समुद्र मन्थन
• अश्विनीकुमार