Wp/mag/उर्मिला (रामायण)

उर्मिला
कहानीमे जानकारी
जीवनसाथी	लक्ष्मण
लैकन	अङ्गद चन्द्रकेतु

उर्मिला हिन्दु महाकाव्य रामायणमे एगो चरित्र हथ । ऊ जनकपुरके राजा जनकके दोसरी पुत्री हलन आउ उनखर माता रानी सुनयना हलन । सीता उनखर बड़ बहिन हलन । ऊ रामके अनुज लक्ष्मणके पत्नी हलन । लक्ष्मण सुमित्राके पुत्र आउ शत्रुघ्नके जुड़वा भाई हलन । लक्ष्मण आउ उर्मिलाके दू पुत्र हलन जिनखर नाम हल - अङ्गद आउ चन्द्रकेतु । उर्मिला जी के नागलक्ष्मी या क्षीरसागराके अंशावतार मानल जाहे । माता उर्मिलाके रामायणके मूक पात्रमे से एक मानल जाहे परन्तु इनखर योगदान सीता तुल्ये मानल जाहे । माता उर्मिला पतिव्रत धर्मके प्रतिक हथ । एगो पत्नीके पतिके धर्मसङ्कटमे कैसे साथ निभानवेके चाही, पत्नीके कौन धर्म होवहे, उर्मिला जी साक्षात एकर प्रमाण हथ । उर्मिला जी १४ बरिस तक अयोध्यामे रहको माता सुमित्राके सेवा कैलन हल आउ माता सुमित्राके अपन पुत्र लक्ष्मणके कमी महसूस न होवे देलन हल । लक्ष्मण-उर्मिला पुत्र अङ्गद अङ्गदीयापुरी आउ चन्द्रकेतु चन्द्रकान्तापुरीके स्थापना कैलन हल ।

उर्मिला निद्रा

बतावल जा है वनवासके पहिला रातमे जखनि भगवान राम आउ देवी सीता कुटियामे विश्राम करे चल गेलन त लक्ष्मण कुटियाके बाहरे एक प्रहरीके रूपमे पहरा देइत हलन । तखनिए उनका भिरु निद्रा देवी प्रकट होलन हल । भगवान लक्ष्मण निद्रा देवीसे ई वरदान माङ्गलन कि उनका १४ वर्ष तक निद्रासे मुक्त कर दथिन त निद्रा देवी उनकर ई इच्छाके स्वीकार करित ई कहलन कि उनकर भागके निद्राके कोनो न कोनोके लेबहीँ पड़तै । तखनि लक्ष्मण निद्रा देवीसे विनती कैलन कि उनकर भागके निद्राके उनकर पत्नी उर्मिला के दे देल जाए । कहल जा है कि निद्रा देवीके ई वरदानके कारण लक्ष्मणके पत्नी उर्मिला माता लगातार १४ वर्षो तक सुतल रहलन आउ लक्ष्मणजी जागित रहलन ।<ref>Reeja Radhakrishnan (28 March 2014). "Urmila, The Sleeping Princess". Indian Express. Chennai. मूलसे 25 जून 2016 के पुरालेखित. अभिगमन तिथि 1 June 2016.</ref