Wp/mag/अङ्कोरबाट्

मुख्य परिसरके सामनेके भाग

अङ्कोरबाट् (अङ्कोर् वाट्; ख्मेर्: អង្គរវត្ត) कम्बोडियामे एगो मन्दिर परिसर आउ बिस्वके सबसे बड़का धार्मिकस्मारक हे, १६२.६ हेक्टेयर् (१,६२६,००० बर्गमीटर्; ४०२ एकड़) के नापेवाला एगो स्थलपर। ई एगो हिन्दुमन्दिर हे। ई कम्बोडियाके अङ्कोरमे हे जेकर पुरानानाम 'जशोधरपुर' (यशोधरपुर) हे। एकर निर्माण सम्राट सूर्यबर्मन द्वितीय (१११२-५३ ई॰) के शासनकालमे होएल हल। मीकाङनदी के किनारे सिमरिप् नगरमे बनल ई मन्दिर आझो सन्सारके सबसे बड़का मन्दिर हे जे सैकड़ो बर्गमील मे फैलल हे। राष्ट्रलागि सम्मानके प्रतीक ई मन्दिर कम्बोडियाके राष्ट्रध्वजोमे स्थान देल गेलहे। ई मन्दिर मेरुपर्बतोके प्रतीक हे। एकर भित्तिपर भारतीय हिन्दुधरम ग्रन्थके प्रसङ्गके चित्रण हे। ईसब प्रसङ्गमे अप्सरा बड्डसुन्दर चित्रित करल गेलहे, असुर आउ देवताके बीचे समुद्र मन्थनके दृश्यो देखावल गेलहे। बिश्वके सबसे लोकप्रिय पर्यटन स्थानमे से एगो होवेके साथहीँ ई मन्दिर यूनेस्कोके बिश्व धरोहरस्थलमे से एगो हे। पर्यटक इहाँ खाली बास्तुशास्त्रके अनुपम सौन्दर्य देखहीँ न आवहथ बल्कि इहाँके सूर्योदय आउ सूर्यास्त देखहूँ आवहथ। सनातनीजन एकरा पवित्र तीर्थस्थान मानहथ।

एकरो देखहूँ

• मन्दिर
• भारतीय बास्तुकला
• तिरुपति