Wp/lzz/lat/Mehmet Şukru Saracoğlu

Mehmet Şukru Saracoğlu dibadu 1887-s, Odemişis. 1909-s Mulkiyeşi Mektebi (“Maktalobaşi N3’opula”) notamamu. İzmirişi valilobaşa maiyetişi memuri i3xunu. İzmiris emoras geladgineri çkvadoçkva lisepes matematik’aşi mamgurapaloba qu. 1911-s, İttihati do Terakkişi K’omer3iuli N3’opulaşi direkt’ori i3xunu. 1914-s na mogu oxen3aluri st’ip’endiaten idu Belçik’aşa ok’itxu şeni. Mk’ule ar p’eriodi şk’ule kianuri maartani lima kogeç’k’u. İzmirişa goiktu. 1915-s idu İsviçreşa. Kianuri maartani limaşi 3’anapes Cenevreş P’olit’ik’uri Çkinapeşi Fak’ult’et’is ik’itxu. Mondrosişi daçxirk’vata şk’ule, k’idu mamgurepeşi k’erk’ela Cenevres. Am k’erk’elaşi Fransuliten gamiçkvineri jurnalis misia aqu emus. Mamgurepeş k’erk’elaşi dudmaxvancot, Avrop’as, Mondrosişi Daçxirk’vataş şartepeşi negat’ivobas reak3ia eçkindinu şeni ixandu. Osmanuri dobadonaşi hak’k’epes mxuci meçu. İzmiris xe geidvinuşi, ar İt’alianuri k’aravis gexedu mpulerot do dobadonaşa goiktu. Na3ionaluri oxoşkvaşi k’ank’alas ak’atu. Kuşadasi, Nazilli do Aydinis k’ideri Kuvayi Milliyeşi (“Na3ionaluri Mencelepeşi”) k’ank’aleşi oteşkilus mxuci meçu. Osmanuri Meclisi Mebusanişa dep’ut’at’i 3xuneri rt’u İzmirişen. Mara var qu am misia.

1923 3’anas Turkiaş Na3iaşi Didi Meclisis ak’atu dep’ut’at’ot İzmirişen. 1924- 1925 3’anapes Fethi Okyarişi xe3alas iqu Na3ionaluri Gamantanaşi Naziri. İnonuşi 3 do 4. xe3alapes Adliyeşi Naziri do 12. Refik Saydamişi xe3alas Galeni Dulyapeşi Naziri iqu. 1926-s k’ideri Mubadeleşi K’omisias (“Ok’okturobaşi K’omisias”) misia aqu. 1927- 1930 3’anapes, 4 do 5. İnonuşi xe3alapes Finansişi Naziri iqu. 1930-s Şkaguroniş Bank’aşi ok’idus mxuci na meçupeşen ren. Cansağobaşi sebebiten naşkvu misia muşi. 1931-s, Turkiaşi ek’onomiuri p’roblemape olaguşi goşogorinu şeni Amerik’aşi Ok’ont’aleri Oxen3alepeşa mendiçkvinu. Goiktuşi, Pambuğişi İndust’ria şeni ar rap’ori ç’aru. 1932-s Osmanuri borcepe şeni, P’arisis xveneri ok’oxtalapes ak’atu. 1933-s xveneri akt’is coxoşç’ara muşi gedvu.

2. Bayarişi xe3ala (1938- 1939) do Saydamişi xe3alapes (1939- 1942) Galeni Dulyapeşi Naziri iqu. 1942-s Refik Saydami ğuruşi, 9 X3ala 1942 tariğis P’rezident’i İnonuşk’elen Dudnazirobaşa i3xunu. K’idu xe3ala. Namtini orapes, Galeni Dulyapeşi Nazirobati noktalu. 1940-s İnglisepes do Fransulepes unt’u Turkiaşi ok’atu limas İt’aliaşa nodgituten; amus nodgitu Saracoğluk. 1948 3’anas, Turkiaş Na3iaşi Didi Meclisişi dudmaxvencobaşa i3xunu. 1950 3’anas naşkvu p’olit’ik’aşi dulyape. 16 3’anaş morgvalis, Fenerbahçe Sp’ort’uli K’lubişi dudmaxvencobati na qu Saracoğlu, 27 Xrist’ana 1953 tariğis, şuri muşi Ğormotis meçu, Mp’olis. Fransuli na uçkit’u Mehmet Şukru Saracoğlu rt’u sum bereşi baba.