Wp/lzz/lat/Mahmut Sadi İrmak

Mahmut Sadi İrmak dibadu 15 Pukrik’a 1904-s Seydişehiris. Geç’k’apuroni, Ruşdiye do K’oniaşi Sultani doçodinu maartanobaten. İqu biologiaşi mamgurapale. Mp’oliş Universit’eşi Xuk’uk’uri Fak’ult’es ok’itxuşa kogeç’k’u. 1923-s Mp’olişi Universit’es mamgure na rt’u vaxtis universit’eşi oxen3aluri bursiten Avrop’aşa mendiçkvinu. Berlinişi Universit’es ik’itxu medi3ina do biologia. 1929-s irişen k’ai ar dereceten iqu hekimi. Hagen do Dusseldorfişi oxzabunepes ixandu asist’anot. Turkiaşa uk’uniktuşi, Ank’araşi Oxen3aluri Tabibot do Gazi Gamantanaşi İnst’it’usti biologiaşi mamgurapalot ixandu. 1933-s iqu do3ent’i Mp’olişi Medi3inaluri Fak’ult’es, 1940-sti iqu fiziologiaş p’rofesori.

1943-s i3xunu dep’ut’at’i K’oniaşen. Artneri 3’anas Xalk’işoxorepeşi Mağali K’onsult’ant’uri K’omisiaşi dudmaxvence, ok’uleti Diyarbakirişi T’erit’orialuri Mufettişi. 7 Mbulora 1945-s iqu oxandobaşi iptineri naziri. 1947-s i3xunu majurani dudmaxvence Oirkianuri Oxandobaşi K’onferan3iaşa. St’aroşina 1947-s naşku naziroba. 1950-s Xalk’işi Resp’ublik’uri P’art’iak (CHP) o3xunoba gondinuşi, var ibodu p’olit’ik’a k’ala. Goiktu çkinapa do dulyaluri skidalaşa. Mp’oliş Medi3inaluri Fak’ult’es naqonu muşi ak’ademiuri skidalas. 1974-s i3xunu k’ont’enjanuri senat’ori P’rezident’işk’elen. 17 3’ilva 1974-s k’idu ar xe3ala p’art’epeşen ekole. Mara na k’idu xe3alas var icerinu meclisişk’elen. Meclisis na ixvenu omxvacobas, 450 dep’ut’atien 18-k mxuci meçu muşi k’abinet’is. Murenki emuk naqonu muşi dudnazirobas, 31 Mirk’ani 1975-şakis. 12 St’aroşina 1980-şi malimuri xegedvobaş k’ule, 15 Gimua 1981-s na ik’idinu Nosik’itxobaşi Meclisişa i3xunu mak’ature K’oniaşen.

27 Gimuas, i3xunu dudmaxvence Nosik’itxobaşi Meclisişa. Sadi İrmakik naqonu am misia muşis, Nosik’itxobaşi Meclisiş dulya na içodu 1 X3ala 1983-şakis. 11 3’ilva 1990-s meçu muşi şuri Ğormotis Mp’olis. Let’as niçinu Aşiyanişi oğurunales. Germanuri do Fransuli nenape na uçkit’u Sadi İrmak rt’u jur bereşi baba.