Wp/lzz/lat/M3kvit’ura

M3kvit’ura, m3kvit’urapeşi (Leporidae) familia na 3’opxups buz’onepes na gidvinen ar coxo ren. M3kvit’urape “crepusculari” 3xovarepe renan, yani irişen ak’t’ivi na renan orape gyant’ora do tanoraşi oşkendas na iqven uteloni ora ren. M3kvit’urape jvari zamzavati do tipi oç’k’omuten skidurnan. M3kvit’urape “maxvat’epeşi” familiaşen var, m3kvit’urapeşi (Leporidae) familiaşen renan do genet'ik'urot 3xenepe k’ala mzaxaloba uğunan. Skidalaşi ora mutepeşi otxo 3’anaşen çxoro 3’anaşakis naqonops. Ak’t’ivuri orapes ontxoru do oxvat’u irişen dido qoropan.

M3kvit’urape so3ialuri 3xovarepe renan do xvala doskidanşi depresia aqvenan. K’oçepeşi gomorgvas oskedinu dido qoropan mara, p’odiaşa ezdimu k’ai var u3’onunan. Ğormotişen meçamurot paği 3xovarepe na renan m3kvit’urapes t’uvalet’işi gurapa agurenan. M3kvit’urapes xonaruli teli uğunantina eşo dido xonariten k’ont’akt’i var axvenenan. Nindaranşi barbalapan, aşkurinanşi varna 3’k’uni aqvanşi mç’ipe ar xonari eşimernan. Omzik’u na unonan orapes morderi 3’unapek çkvaneri xonari eşimernan.

M3kvit’urape k’ala k’ont’akt’i oxvenu şeni entepes oxosaru do xura mutepeşişi nenaşen oxo3’onu unon. M3kvit’urape uxonaroni renantina ti-mutepeşi k’aixeşa na oxva3’onapenan 3xovarepe renan. Dido mç’ipe st’rukt’ura na uğun 3xovarepe renan do k’oçepeşk’elen 3’ori var ikaçasna varna mağali ar svaşen nişkvinasna, şkaşi qvilepe muşi perpot at’axenan. M3kvit’urapek 3’k’ari var şupan do na dvaç’irenan 3’k’ari lilvepeşen z’irupan yado çkina 3’ori var ren. M3kvit’urapes k’arta ndğas ağani 3’kari meçamu uk’ors.

Nanç’inerot 52 çkvaneri m3kvit’uraluri ç’eşidi iz’iren. Motali m3kvit’urape toli ok’odveri do ubundoloni oqopinot dibadenan. Ağani dobaderi ar m3kvit’uras ar xark’ik xe nusvasna, xe muşişi şura motalişi xuras nap’isten do nana muşik em motali k’abuli var ikips. M3kvit’urapes astaxolo omraluşi menceli uğunan do am sebebiten Avust’raliaşi na3ionaluri k’at’ast’rofa iqverenan. Xolo Avust’raliaşi Queenslandi coxoni t’erit’orias oxorale m3kvit’ura oskedinu memnuneri ren do dido mağali ceza uğun.

M3kvit’urapes majura 3xovarepe k’ala askedinenen mara, coğori do k’at’upe k’ala muşi mances entepeşa k’aixeşa oxasaru do ginz’e oras xvala umeşkvinu dvaç’irs. M3kvit’urapeşi k’ai megabrepe zoğaşi ğecepe (guinea pigs) renan yado içkinentina, ağani xveneri ar goşogoraşi toliten, ar na iskedinen zoğaşi ğecepe do m3kvit’urape artikarti na var qoropan do artikarti megabre na var şinapan oxoi3’onu.