Wp/lzz/lat/Leileği

Leileği ren mçxu mauçve k’vinçi, 1- 1,5 met’roni ginz’enobas, didi do dudişen k’uçxeşa xçe msvaloni, ginz’e uça k’udeloni. Muşi k’ik’ili do ginz’e t’rik’epe ç’it’a ren. Eti ren muşi Ğormoturi qoropaşi sebebi. Leileğiş oputxuşi st’ili ren onç’eloni. Muşi k’ik’ili 3’oxle do muşi t’rik’epe k’ap’ulas okaçaps do eşo putxun. Am est’et’iuri putxalaten, hava ajvaren do umosi manişa aputxinen. K’arta 3’anas, leileğepek ixicretupan dido mak’aturoni cogepeten. Var askedinenan qini t’erit’oriapes do emuşeni. Monç’inoraşi çxvapa dğalepeşi ambari momçapan. Monç’inoraşi dros, leileğepek skidunan t’ibu t’erit’oriapes Avrop’aşen Oçildre Afrik’aşa, Turkiaşen Jap’oniaşakis. Hava oqinuşa var geç’k’aşakis, Gverdisferişa, t’rop’ik’uli Afrik’aşa do Hindistanişa ixicretupan. Moqvirapapan, Omjore gverdisferik ot’ibuşa na geç’k’u, leileğepes solen na uçkinan. Ar 3’ana na golaxtu do xolo, pukrinora moxtaşi, leileğepek z’iropan mutepeşi mcveşi obğepe şilyapeten k’ilomet’roni gza goiktanşi. Z’iropan mutepeşi obğepe, na k’ides ar 3’anaş 3’oxle. Xolo dibargenan ekonaşis. Leileğepek var ixmarnan mendra zoğapeşi gzalepe. Dvaç’k’indanşi, moşvacu şeni let’a uz’iramuşen gom3’k’irupan do emuşeni. Am sebebiten Mp’olişi ruba, Cebelitarik’i do Suveyşişi arxi steri dixaşa xolosoni na ren zoğapeşi gzaten putxunan.

Leileğepek var imt’enan k’oçişen. Gek’idupan mutepeşi obğepe; binape, ncalepe do k’omanturupeşi dudis. Generalurot ixicretenan leileğepeşi cogepe artot. Avrop’aşa nunç’uşanşi, skidunan ekonaşis ar oras. Ok’ule, didopetenti İgrik’aşi maartani dolonis, kimoli leileği k’idups ar obğe t’ot’epeten. Gurdoşuriten çumers obğe. Xvalot mgvana ogoru şeni, mk’ule p’eriodepeten obğeşen meputxun. Leileğepeşi namtini sort’epek k’idupan obğes ç’anç’axepunepesti. K’erk’elot skidunan. Artneri k’vip’arosişi jin didi 12 leileğişi obğe maz’irenan.

Leileğepek iambarenan artikarti k’ala, mutepeşi k’ik’ilepe ot’ik’irduten. Kimoli leileği do muşi 3’una ok’oik’atanşi, mutepeşi k’ik’ilepe ot’ik’irdupan. Patkalapan do ixoronan. Kimoli leileğik 3’unaşi guri oxvenu şeni gza gorups. Leileğepek goiktenan pukrinoras. İrişen 3’oxle mulun kimolepe. Golaxtimeri 3’anaşi obğepe oz’iru unonan. 3’opxupan mutepeşi obğepe tipiten mç’ipaşa. Ar leileğişi obğe iqven ardogverdi met’roni mçirenobas do 50 k’ilo monk’anobas. Muşi dulya diçodaşi, kimoli leileğik onç’elobaten imendups muşi 3’unaşi moxtimu. Ar doloniş k’ule 3’una leileğikti goikten obğeşa. Omzik’uş k’ule xutişa markvali iqven. 32 ndğaş k’uleti gamulunan motalepek markvalişen.

Baba leileğik gorups pen3’o, mk’oli do majura bombolape, motalepe ordu şeni. Ar oraş k’uleti mjvabu, çxomi do 3’i3’ila, muşi motalepeşa oğmalu şeni. Xuti şuroni ar leileğişi ocaği oz’ğu şeni, baba leileği ren ok’oroboni 5 k‘ilo mgvana ar ndğas. Nana leileğik çumers muşi motalepe mç’ima, furt’una, mjoraşa nodgitinu şeni muşi msvalepe gon3’k’imuten. Baba leileğik dvaç’k’indaşi, nana leileğik ulun avişa. Muşi majurani tuta na içodu leileğiş motalik geç’k’aps oputxuşi 3adalapeşa. Mariaşinaşi çodinas leileğepek, mtel ocaği k’ala xolo gzas gedgitunan Afrik’aşa oxtimu şeni.