Wp/lzz/lat/Kerefisi

From Wikimedia Incubator
< Wp‎ | lzz‎ | lat
Wp > lzz > lat > Kerefisi

Kerefisi (Apium graveolens dulce) ren ç’iç’amarepeşi Apiaceaeşi familiaşen. Yulva do olande Avrop’aşi zuğap’icuri k’ortapeşi orome do oisire k’ismepeşi sotinuri ren yado ik’abulinen. Ar met’reşakis irden. Pukirepe muşi ren kvişoni. 2- 3 mm mçirenoba uğun. Oç’k’omalot iptineri k’un3’ula Sisamis ixmarinu ya itkven. Omerosişi İliadas iç’aren, 3xenepek T’roiaşen xolosoni oisire na irdet’u mt’k’uri kerefisite na cupt’es. Odisseas, K’alip’soşi ğormaşi gomorgvas xolo mt’k’uri kerefisi irden.

Kerefisi zeytinyağoni dolma oxvenute, giberi lilve oqopimot, salat’a varna çorba muşi oxvenute na iç’k’omen lilve ren. Omjore Avrop’aşi ogeare adetepes, Frangiuli ogeares, Amerik’aşi Ok’ont’aleri Oxen3alepes, Louisianaşi oç’k’omaleşi k’ult’uras dido beciti ren. Kerefisişi tasepeti ixmaren manostoneşi baxarot. Baxaratişi kerefisiş tasi ok’oik’aten oç’k’omaleşi cumu k’ala. "Kerefisişi cumu" coxote gamiçinen. Cumuşa alt’ernat’iuri ren. Bladi Meri coxoni k’okt’eili do sosisişi sandoviçepe kerefisişi cumu k’ala na içkinen jur oç’k’omale ren.

Çinişi kerefisi varna Yulva kerefisis uğun umosi mç’ipe pxa. Nostonoba muşi ren mk’vatule. Çinişi ogearesti, generalurot ixmaren ok’ont’aleri yağoni t’ağanerepe do çorbapes. Kerefisi ren omgvanuşi. Met’abolizma na ok’ap’et’anaps ar lilve ren. Oç’k’omale na ren steri kerefisişi zomiti iç’open. Mt’veri do k’apsulepe muşiti iz’iren. Kerefisi ren şifaloni lilve. Opsimus do gazi gamoçkvinus nuşvels. Xuçepes mateskinoni tesiri oğodaps. Dido şumerobaş xali oçodinaps. Xura na omencelaps tonik’i ren. İştaği monz’inaps do olağunu operpunaps. Seksualuri menceli monz’inuşi (afrodiziak) tesiri uğun.