Wp/lzz/lat/Hasan Saka

Hasan Saka dibadu 1886-s, T’amt’ras. Geç’k’apuroni do oşkenduri n3’opula notamamu T’amt’ras. Mp’olis, Mercanişi lise ik’itxu. 1908-s, noçodinu Mulkiyeşi n3’opula. Kogeç’k’u oxandus “Divani Muhasebati”s (“Didok’ore3xobaşi K’omisia”). 1909-s mendiçkvinu Fransiaşa on3’opulu şeni. 1912-s, P’arisişi P’olit’ik’uri Çkinapapeş N3’opulaşi dip’lomat’iaşi burmes ik’itxu. Osmanuri dobadonaşa goiktuşi, na naşkveret’u dulyas xolo oxandus kogeç’k’u. 1915-s, Finansişi Nazirobaşi Mogapobaşi Generaluri Direkt’orobas Mogapaş Xarcişi Temyiziş K’omisiaşi Maartani Mano3xunalobaşa i3xunu. 1916-s iqu Eskişehirişi Regionaluri Ek’onomiaşi Direkt’ori. 4 St’aroşina 1918-sti iqu ek’onomiaşi mamgurale Mulkiyeşi N3’opulas. Osmanuri Mebusaniş Meclisişi çodinuri p’eriodis i3xunu dep’ut’at’i. Am meclisik na goşibğu oraşakis, ixandu emuk. 28 3’anağani 1921 tariğis Na3iaşi Meclisişi 1. p’eriodis i3xunu dep’ut’at’i T’amt’raşen. 19 Pukrik’a 1921 tariğis iqu Finansuri Dulyapeşi Naziri. 11 Pukrik’a 1922 tariğisti i3xunu Ek’onomiaşi Naziri.

Hasan Saka, 2. p’eriodişi 3xunapes xolo T’amt’raşen i3xunu dep’ut’at’i. 24 St’aroşinas iqu Ek’onomiaşi Naziri. 30 Gimua 1923 tariğis k’ideri iptineri Resp’ublik’uri K’abinet’is iqu xolo Ek’onomiaşi Naziri. 6 Mirk’ani 1924 tariğis 2. İnonuşi k’abinet’is K’omer3iaşi Naziri iqu. 3 Mirk’ani 1925 tariğis 3. İnonuşi k’abinet’is i3xunu Finansiaşi Nazirobaşa. 1 3’ilva 1926 tariğis Meclisişi Dudmaxvenceş Manuşvale i3xunu. Naqonu am dulya muşişa 3 do 4. p’eriodepesti. 5. p’eriodis xolo T’amt’raşen i3xunu dep’ut’at’i. 1 Mirk’ani 1935 tariğis xolo iqu Meclisişi Dudmaxvenceş Manuşvale. 24 Gimua 1936-s P’olit’ik’uri Çkinapapeşi N3’opulaşa iqu generaluri ek’onomiaşi p’rofesori. 6., 7. do 8. p’eriodepesti xolo T’amt’raşen i3xunu dep’ut’at’i. 13 St’aroşina 1944 tariğis 2. Şukru Saraçoğluşi k’abinet’is iqu Galeni Dulyapeşi Naziri. Recep Pekerişi k’abinet’isti i3xunu artneri dulyaşa.

10 St’aroşina 1947 tariğis i3xunu Dudnaziri. 10 Mbulora 1948-sti k’idu muşi 2. k’abinet’i. Meclisis, (CHP) Xalk’işi Resp’ublik’uri P’art’iaşa k’erk’eluri dudmaxvencot naqonu dulya muşis. 9. p’eriodis i3xunu dep’ut’at’i T’amt’raşen. Naşkvu p’olit’ik’a 1954 3’anaşi 3xunas. 29 X3ala 1960 tariğisti, şuri muşi Ğormotis meçu. Zincirlikuyuşi oğurunales let’as niçinu. Fransuri na uçkit’u Hasan Saka rt’u sum bereşi baba.