Wp/lzz/lat/Genco Erkal

Genco Erkali dibadu 28 Mirk’ani 1938 tariğis Mp’olis. Robert K’oleci şk’ule Mp’olişi Universit’eşi Psikologiaşi burme oçodinu. 1959-şen geç’k’uten Turkiaşi beciti muşiuri teat’ruli k’erk’elapes ixandu masağale do maktale oqopinot. 1969-şen andğaneri dğaşakisti xeşnoxvenobaşi maktale na rt’u “Megabrepeşi Teat’ri” 3’opxu. Gorki, Brechti, Sartre, Peter Veissi, Steinbecki, Haveli, Tankred Dorsti steri galeni maç’arale do Aziz Nesini, Haldun Taneri, Nazim Hikmeti, Can Yuceli, Refik Erdurani, Vasif Ongoreni, Orhan Asena, Behiç Aki steri svaloni maç’aralepeşi p’iesepe noktalu.

Genco Erkalik qu adap’t’a3iape teat’rişa romani, p’aşura, leksepeşen. “Lomi Malime Şvayki”, “Ar Delişi Goşinaş Defteri”, “Galileo”, “T’et’elk’uçxoni Sok’rat’esi”, “Keremi Steri”, “Cani” steri p’iesepes na nosağu rolepeten p’rizepe aqu emus. Sinfonik’uri k’on3ert’epes “P’et’eri do Mgeri”, “Malimeşi P’aşura”, ”Nazimi” coxoni xvenape nuxonaru maoxo3’onapale oqopinot. İnt’erna3ionaluri uk’ore3xu filmuri fest’ivalepesti na i3’irinu do uk’ore3xu p’rizi na mogu “3xeni”, “Faizeşa Nank’ap’a”, “Ar Dro Hakkaris”, “Camişi Guri” coxoni filmepes nusağu dudroli. TRT-şi t’elevizia şeni musik’oni p’iesa “Keşanuri Alişi Dest’ani” nuktalu do osağu. İ3xunu çkvadoçkva 3’anapes uk’ore3xu "3’anaşi irişen k’ai k’oçi masağale", "irişen k’ai teat’ruli maktale". Ant’aliaşi Filmuri Fest’ivalis 1982 do 1983-s "irişen k’ai sinamaşi masağale" oqopinot jur fara okro port’ak’aliş p’rizi mogu. 1993-şen 1998-şakis P’arisi do Avignonişi Fest’ivalis Fransuli nenaten p’iesepes roli osağu. Genco Erkalis roli aqu “Sevdaloni P’ula”, “Ou vas-tu Jeremie?” do “Masimye” coxoni sumi Fransuli xvenas.