Wp/lzz/lat/Fahri Koruturk

From Wikimedia Incubator
< Wp‎ | lzz‎ | lat
Wp > lzz > lat > Fahri Koruturk

1903-s Mp’olis dibadu. Sum beroni Kemahuri ar ocağişi biç’i rt’u Fahri Koruturki. Baba muşi rt’u Kemahiş cixaşi maçumalepeşen Azapağasizade ocağişen Osman Sabit Begi. Nana muşiti rt’u Emine Nesrin Xanumi. 1916-s Mzoğarobaşi N3’opulaşa amaxtu. 1923-s Mzoğaluri Malimobaşi N3’opula do 1933-sti Mzoğaluri Malimobaşi Ak’ademia oçodinu. Gvari muşi Mustafa Kemal Ataturkişk’elen niçinu. Roma, Berlini do Stoxolmis Mzoğaluri At’aşe oqopinot ixandu.

1936-s Montroş Rubapeşi K’onferen3iaşa malimuri eksp’ert’i oqopinot ak’atu. 1950-s admirali iqu. 1950-s k’ot’radmirali oqopinot Mzoğaştudenik’araviş Flot’işi Metauri, 1953-s vi3admirali oqopinotti Malimobaşi Flot’işi Metaurobaşa i3xunu. Meqonerotti Mzoğaluri On3’opuluşi Metauri, Generaluri Şt’abişi Dudmaxvencobaşi Ambari Ezdimuşi Dudmaxvence do Mzoğarobaşi Sardali iqu. Mzoğaluri Armiaşi Sardalobaşen 1960-s tek’avudi iqu. 3’oxle Mosk’va ok’uleti Madridişa didelçi iqu. 1968-s Resp’ublik’aş Senat’işi aza iqu.

1973-s Turkiaş Na3iaşi Didi Meclisişk’elen P’rezident’i i3xunu. 1980-s misia muşi oçodinu. Resp’ublik’aş Senat’işi ti-moşletinoburi aza iqu. 1944-s Emel Xanumi k’ala içilu. Sum bere aqu. Germanuri, İnglisuri do İt’alianuri nena uçkit’u. Malimoba, dip’lomat’ia do p’arlement’is 56 3’anaş morgvali udodginu na ixandu Fahri Koruturkik, 12 Gimua 1987 şi tariğis şuri muşi Ğormotis meçu. ”İskajerak Mzoğaşi Ok’ok’idinuşi ar k’onferen3ia” coxoni ar svara uğun.