Wp/lzz/lat/Difteri

From Wikimedia Incubator
< Wp‎ | lzz‎ | lat
Wp > lzz > lat > Difteri

Difteri, xalk’işk’elen kuşpalazi yadoti na içkinen, corynebacterium diphteriae coxoni mik’roorganizmaş xurxi, çxvindi, toli do t’k’ebişi yarapes dibarguten na yeçkindun nak’limoni ar zabunoba ren. Difteri dido na iz’iren ar zabunoba ren. Oçinu muşi dido meç’ireli iqven. Qini t’aronepes umosi dido iz’iren. Difterişi basili, 34- 38 dereces imralt’aşi toksini muşi dobaps. Toksini, adami do k’arta skindina şeni dido şkurnoni ren. Hucrepe ok’oxups do xuçepes nuzuli oğodaps.

Difteri irişen dido 2- 5 3’aneri berepes ağoden. Jur 3’aneriş 3’oxle arxvala çxvindi do yaraşi difteri iz’iren. Am zabunobaşen berepek nana mutepeşişen na ezdipan ant’ik’orepe k’ala ti içumernan. Kuşpalazişi t’ablo na yoçkindaps t’ip’iuri difteri anjinişi xususi ar ç’eşidi ren. Zabunobaş yeçkindu şeni xurxişi lenfiş hucres do xususurot bademp’inapes dobargu dvaç’irs. Bademp’inape berepe jur 3’aneri iqvanşi na moirdenan şeni zabunobak am 3’anapes notesirus geç’k’aps. Berepe osteroni iqvanşi k’arta oras t’u3a, qini do galeni şart’epeşen itesirinenan. Xurxis bakt’erişi iltihabepe iqven do hucreşi nodgitinoba im3ikanen. Am oras difterişi basiliti xuras amaxtuna zabunobaşi xususi t’ablo yeçkindun. Ar k’oçis mordinobaşakis difterişi basili var nak’limuna zabunobaşa k’arta 3’aneris naç’open. Didilepeşi zabunoba ç’it’alepeşi zabunobaşen umosi çorçi mek’ilaps.

Zabunoba, k’oçişen k’oçişa generalurot oşvanuşi gzaten nak’limen. M3ikalurot t’k’ebişi lezyonepeşa p’icdop’ic xe mesvu varna zabunepeşi lezyonepe na nasvu porçape k’alati nak’limen. Difterişi monç’vaş p’eriodi nanç’inerot 2- 4 ndğa k’onari ren. Difterişi mik’robi, dobargineri organepe k’ala çkvaneri nişanepe o3’iraps. Arxvala difteri itkvaşi xurxişi diferi oxui3’onen. Edoxolo xunçk’ulişi difteri, çxvindişi difteriti koren. Difteris; geşkvinuşi meç’iroba, xonarişi om3ikanoba, şvanaşi ondaroba, xomula oxvalu, nunk’uş omç’itanu, bademp’inapeşi jin xçe peroni zariş yeçkindu, xurxişi 3’k’uni, qalişi bezepeş obaru, uiştağoba, xanç’ali do t’rik’epes 3’k’uni iqven. T’u3anoba 38- 40 derece k’onari ren. Nabizi manişa iqven. Zabunoba geç’k’alas var iteşhisinu do zabuniş şvana var nik’vataşakis mutu var ixvenu na k’oçi oğurinaps.

Şvelas, zabuni oncires moişvacinen (1,5- 2 tuta). Xususi şvela ant’itoksik’i serumiten ixvenen. Am serumik di3xiris nak’limeri difterişi zehiri, utesironi noktaps. Edoxolo difterişi zehiri, dirkuş jindoni bezepesti na notesiraps şeni zabunepes k’ort’izoni na uğun ç’amepeş oşvapu k’ai iqven. P’icdop’icot difterişi basili oğurinu şeni mağali dozoni ant’ibiot’ik’i unon. Zabunis serumi nik’iden. P’ici muşişenti 3’k’aroni gidape niçinen. Zabunepe çkva k’oçepeşen omendranu uk’ors. Difterişi mik’robi na tirups k’oçepe t’est’epeten otespit’u do oşvelu dvaç’irs. K’arta beres doguroniş 3’oxleni 3’anapes difterişi lemşi oxvenu unon.