Wp/lzz/lat/Cevdet Sunay

From Wikimedia Incubator
< Wp‎ | lzz‎ | lat
Wp > lzz > lat > Cevdet Sunay

Cevdet Sunay 1899-s T’amt’ras dibadu. Muşi baba rt’u p’olk’işi mufti İslam Sabri Efendi, nana muşiti rt’u Hatice Xanumi. Geç’k’apuroni do oşkenduri doguroni Erzurumi, Kerkuki, Edirnes ik’itxu. Kulelişi Malimuri Lise oçodinu. Maartani Kianuri Ok’ok’idinuşi oras, 1917-s k’andidat’i ofi3eri oqopinot on3’opuluşi k’amp’işa ak’atu. Artneri 3’anas Filist’inişi front’is ixandu. Xolo artneri 3’anas, K’udusişa xolosoni na rt’u ar sotxanis, k’abğas iyaralinu 1918-s, Egvipt’ias Englizurepeşk’elen esiri iç’opinu.

Esirobaşen goiktuşi, Oxoşkvobaşi Ok’ok’idinuşa ak’atu. Omjoreşi front’is, Antepi do Maraşis Fransurepeşa na nidgitinet’u p’art’izanuri ok’ok’idinupes ixandu. Gyulvaşi front’is ixandu. 1927-s Malimobaşi N3’opula do 1930-sti Malimobaşi Ak’ademia oçodinu. 1949-s generali iqu. 1960-s Generaluri Şt’abişi dudmaxvance i3xunu.

1966-s dulya muşi naşkvu. K’vot’aşi senat’ori i3xunu. Cemal Gurselik zabunoba muşişi sebebiten misia muşi naşkvuşi, 28 Mirk’ani 1966 tariğis Turkiaş Na3iaşi Didi Meclisişk’elen maxutani P’rezident’i i3xunu. Em oras xe3alas na rt’u Adalet’işi P’art’iak k’andidat’i o3’iru eya. Resp’ublik’aşi Xalk’uri P’art’iakti mxuci meçu emus. P’rezident’i Cevdet Sunayik, na iz’iret’u k’rizepes p’art’iape k’ala armia, namtini orapesti p’art’iapeşi oşkendas balan3iuri fak’t’orot oxandu şeni gza goru. 1973-s am misia muşi oçodinu. Resp’ublik’aşi Senat’işi ti-moşletinoburi aza iqu. Fransuli nena uçkit’u. 1929-s Atifet Xanumi k’ala içilu. Sum bere aqu emus. Cevdet Sunayi 22 Pukrik’a 1982-s şuri muşi Ğormotis meçu.